Gobiernu del Principau d'Asturies

Asturies, muncho más cerca

Tas en

Asturias.es Gobiernu Actualidá Infraestructures va entamar el día 26 les obres del área ...
 

Actualidá

Infraestructures va entamar el día 26 les obres del área recreativa d’El Cristo, con una inversión pública de 85.700 euros

- El proyectu, que tien un plazu d’execución de cuatro meses, inclúi la construcción de trés graes, la instalación de cubiertes de tela, y otres actuaciones nel helipuertu del antiguu HUCA

20/08/2019

La Conseyería d'Infraestructures, Mediu Ambiente y Cambéu Climáticu va entamar les obres del área recreativa d'El Cristo, que tien el so plazu d'execución de cuatro meses, el próximu 26 d'agostu. El Principáu va invertir 85.700 euros nestos trabayos.

El proyectu consiste na construcción de trés graes nel espaciu multiusos del helipuertu del antiguu Hospital Universitariu Central d'Asturies (HUCA), n'Uviéu, la instalación de cubiertes de tela enterriada pa la protección del sol y l'agua, la creación d'una área canina, la eliminación parcial de la celosía de formigón del zarru del área recreativa y l'allongamientu de les soleras de formigón nes entraes. Tamién se van reparar les arquetes y sumidorios y van executase otres obres menores de meyora de la urbanización.

Los trabayos suspenderánse el 13 de setiembre, pa facilitar la celebración de la romería d'El Cristo, y van retomase el día 24 del mesmu mes. El Conceyu d'Uviéu va encargase de la llimpieza y llabores de xardinería d'esti espaciu coincidiendo colos actos festivos, polo que les obres van parar una selmana antes de la romería y van empecipiase dos díes depués.

 

Información sobre el documento

© Copyright 2006. Gobiernu del Principau d'Asturies