Gobiernu del Principau d'Asturies

Asturies, muncho más cerca

Tas en

Asturias.es Temes Educación Educación considera necesario baxar la edá del alumnáu qu'opta ...
 

Educación

Educación considera necesario baxar la edá del alumnáu qu'opta poles rames industriales de la formación profesional

Más de 12. 400 estudiantes cursen ciclos de FP presencial en 21 families profesionales. La FP básica suma más de 900 alumnos, una cantidá lixeramente superior a la del cursu pasáu

izqda. a dcha: Consejera de Educación, Carmen Suárez; Dtor. Gral. Enseñanzas Profesionales, Javier Cueli; la S. del Consejo de la FP, Ana Argüello; Coordinador Servicio de FP, José Luis Martínez; y el responsable de Educación de CC.OO., Manuel Amado. De espalda: zqda. dcha: Secretario Política Industrial UGT, Juan José García Rodríguez; la responsable de Formación de FADE, Guiomar A. Reyes; y el Dtor. Gral. de Empleo y Formación del Principado, Pedro Fernández- Raigoso

30/10/2019

El Conseyu de la Formación Profesional (un órganu nel que tán representaos l'Alministración, la patronal y los sindicatos) analizó güei la necesidá de baxar la edá media del alumnáu qu'escueye cursar estudios de grau mediu de families profesionales pertenecientes al sector industrial. Na actualidá, el porcentaxe d'estudiantes qu'apuerta a esta formación procedente de la Educación Secundaria (ESO) ye d'aproximao un 10%.

Este foi ún de los asuntos abordaos güei na xunta de la comisión permanente d'esti órganu, presidida pola conseyera d'Educación, Carmen Suárez. L'alcuentru sirvió pa presentar l'informe sobre matrícula correspondiente al cursu 2019/2020 y pa revisar l'estáu de la propuesta d'implantar estudios de FP Dual de trés años.

Respecto al primeru de los asuntos, anguaño más de 12.400 alumnes y alumnos (4959 muyeres y 7.442 homes) cursen ciclos de FP na modalidá presencial de grau mediu y superior en 21 families profesionales. Pela so parte, la Formación Profesional básica suma más de 900 estudiantes, una cifra llixeramente superior a la del cursu pasáu. Amás, cabe destacar que los ocho centros integraos de formación profesional d'Asturies concentren un 35% del total de la matrícula.

La conseyería y los axentes sociales tamién revisaron l'estáu de la propuesta d'implantar estudios de FP Dual de trés años, tres los encamientos realizaos pol Conseyu Consultivu. L'oxetivu d'Educación ye trabayar nuna flexibilización del modelu p'a incrementar la so viabilidá.

Información sobre el documento

© Copyright 2006. Gobiernu del Principau d'Asturies