Gobierno del Principado de Asturias

Asturias, mucho más cerca

Estás en

Aniciu Temes Educación Barbón garantiza qu'Asturies va priorizar la enseñanza ...
 

Educación

Barbón garantiza qu'Asturies va priorizar la enseñanza presencial el próximu cursu

• el presidente del Principáu destaca que’l so Executivu apuesta pola vuelta física a les aules en sintonía col sentir de les families. • “L'asistencia a clase va facese con toles midíes de seguridá que s'establecen pal conxuntu de la población pa evitar andaes”

14/07/2020

El presidente del Principáu, Adrián Barbón, garantizó güei que’l so Executivu va priorizar la enseñanza presencial el próximu cursu para dar respuesta a les demandes de les families asturianes. “Tenemos de partir d'una premisa, que ye lo que quieren les families: que seya presencial. Y asina va ser. Frente a otres comunidaes autónomes, Asturies va facer asina: toos a clase”, esplicó nes sos redes sociales.

Tres la presentación ayeri de la propuesta organizativa del cursu escolar 2020-2021, Barbón resaltó que magar “otres comunidaes autónomes combinen les clases presenciales con telemátiques en visu a nun tener que contratar más profesores, nós decidimos que tol dineru que recibamos del fondu estraordinariu en materia educativa, vaiga a la Educación”.

La nueva organización va suponer la contratación d'otros 400 docentes, al afitase la ratio máxima d'alumnos pa esti cursu estraordinariu en 20 alumnos hasta cuartu de primaria -agora son 25.

Pa Barbón, trátase d'un esfuerzu económicu “considerable” destináu al ámbitu educativu “que non toles comunidaes van facer”, y que se suma al realizáu en feches de recién, cola contratación va un añu de casi 500 profesores más al baxar les hores lectives de 21 a 18 hores; la reposición añal de xubilaciones o l'esfuerzu de caltener escueles rurales abiertes con 4 alumnos.

Al respective de les propuestes pa que “contratemos miles de profesores más” y “sumemos cifres ente 150 y 200 millones d'euros más esti cursu”, el presidente considera que “nun ye posible” por cuenta dela situación financiera actual, de menores ingresos públicos y mayores gastos estraordinarios, que va ser necesario siguir encarando nos próximos meses, especialmente en materia sanitariu.

Barbón recuerda que la crisis sanitaria nun terminó y por eso, precisa que “l'asistencia a les clases va facese con toles midíes de seguridá que s'establecen pal conxuntu de la población, reforzándoles entá más, pero ensin arrenunciar al calter presencial de les clases”.

Información sobre el documento

© Copyright 2006. Gobierno del Principado de Asturias