Gobiernu del Principau d'Asturies

Asturies, muncho más cerca

Tas en

Asturias.es Temes Seguridá pública El Gobiernu asturiano destinó casi 28 millones esta llexislatura ...
 

Seguridá pública

El Gobiernu asturiano destinó casi 28 millones esta llexislatura a ayudes pa entidaes locales y particulares pa prevenir incendios y aumentar la rentabilidá del sector forestal

Desarrollo Rural dedicó otros 36,3 millones a diverses obres de meyora nos montes del Principáu. La consejera María Jesús Álvarez destaca la subida d’un 25% del presupuestu d’esti añu pa estes polítiques hasta alcanzar los 26,3 millones

14/02/2019

El Gobiernu d'Asturies yá destinó no que va de llexislatura 27,9 millones a subvenciones empobinaes a entidaes locales y propietarios privaos para invertir nos sos montes con fin d'ameyorar la so rentabilidá y prevenir quemes forestales, según manifestó güei la conseyera de Desenvolvimientu Rural y Recursos Naturales, María Jesús Álvarez, nel plenu de la Xunta Xeneral del Principáu.

La conseyera, que cifró en 36,3 millones la inversión directa del so departamentu n'obres forestales, meyora de caminos y otres infraestructures nos montes, destacó l'importante aumentu, un 25% al respective de 2018, de la partida destinada anguaño a estes polítiques, qu'algama los 26,3 millones. “Lo que pon de manifiestu'l nuestru compromisu col sector, que va reforzar el programa de concentración parcelaria, va icrementar la inversión nel monte, tanto de forma directa como subvencionando a empreses y particulares”, aseguró.

P’ Álvarez, el fin últimu de les polítiques en materia forestal qu'impulsa la conseyería ye'l de “ameyorar la productividá y el valor de los productos forestales, consiguir un mayor rendimientu económicu del monte y, a última hora, contribuyir a l'actividá económica y al empléu”. Na so intervención, tamién valoró “el sofitu emprestáu con subvenciones de 118.000 euros a les asociaciones forestales y, particularmente a Ucofa, que representa a les cooperatives asturianes”.

La conseyera sorrayó “l'importante respaldu a la inversión pa modernizar el sector forestal” qu'ufierta'l Gobiernu asturianu. Nesti sentíu, refirióse a la convocatoria d'ayudes pa industries forestales y agroalimentaries, que nos trés últimos años xubieron a 21,4 millones. “Estes ayudes, nel so parte forestal, contribúin de forma importante, por casu, a la meyora de les instalaciones d'empreses y cooperatives, cola alquisición d'equipos más modernos qu'atiendan a requerimientos ambientales o a adaptar los negocios a les nueves tecnoloxíes de la información”, esplicó.

 

Información sobre el documento

© Copyright 2006. Gobiernu del Principau d'Asturies