Gobiernu del Principau d'Asturies

Asturies, muncho más cerca

Tas en

Asturias.es El Principáu refuerza la colaboración col Ministeriu pa la ...
 

Aniciu

El Principáu refuerza la colaboración col Ministeriu pa la Transición Ecolóxica en llabores de prevención d’incendios

El conveniu suscritu por dambes alministraciones permitió la incorporación de dos nuevos técnicos y enllargar la so actividá tol añu

izda. a dcha, el técnico de EPRIF, Noel López; el responsable en Asturias de los equipos de prevención integral de incendios forestales, José Antonio Ros: el gerente de Tragsa en Asturias, Joaquín Moya; el Dtor. Gral. de Infraestructuras Rurales y Montes, Fernando Prendes; el coordinador de los agentes de los agentes del Medio Natural, Iñigo Fernández, y el técnico de EPRIF, Juan Luis Martín

05/08/2020

El Principáu y el Ministeriu pa la Transición Ecolóxica y el Retu Demográficu reforzaron la collaboración que caltienen en llabores de prevención y estinción de quemes. El conveniu suscritu por dambes alministraciones permite incorporar anguaño a dos nuevos técnicos a los equipos de prevención integral de quemes forestales (EPRIF), que se van xunir a los 65 profesionales qu'empresten serviciu na actualidá.

Esti alcuerdu, qu'hasta agora s'actualizaba añalmente, va ratificar a partir de 2021 con calter tresañal pa dar mayor estabilidá y continuidá a los trabayos de prevención. El conveniu da cobertoria a los llabores que realicen los 65 trabayadores que'l ministeriu tien n'Asturies, entre EPRIF y Brigaes de Llabores Preventivos (BLP), que dende la Dirección Xeneral d'Infraestructures Rurales y Montes coordínase la so función. Asturies ye la comunidá cola ratio más alta del país en medios humanos y técnicos destinaos pol ministeriu. Amás, dende 2016 los recursos aumentaron nun 30%.

Otru aspeutu importante del alcuerdu ye l'ampliación a tol añu de la collaboración ente dambes alministraciones tocantes a prevención (informes, quemes controlaes, roces, redacción de proyectos y concienciación social). Asina, el personal que na temporada de quemes (branu, seronda y primavera) céntrase en llabores d'estinción, el restu del exerciciu va siguir con actuaciones de prevención. D'esta forma'l Principáu va ser una de les dos úniques comunidaes que cunten con un dispositivu nacional tol añu.

El director xeneral d'Infraestructures Rurales y Montes, Fernando Prendes, analizó'l desenvolvimientu del conveniu col Ministeriu pa la Transición Ecolóxica y el Retu Demográficu col responsable n'Asturies de los equipos de prevención integral de quemes forestales, José Antonio Ros, y técnicos del serviciu, con quien caltuvo xuna xunta.



Dispositivos de vixilancia

Per otra parte, les altes temperatures qu'estos díes rexistra Asturies motiven que, a partir de mañana, l'índiz de quemes pa los conceyos del área suroccidental s’asitie en nivel bien altu (4), ente que pal restu de la comunidá va ser altu (3). Por esta razón, el Principáu fai un llamamientu a la responsabilidá pa que se eviten aquelles situaciones que puedan implicar riesgu nos montes.

Los niveles actualícense diariamente y tolos medios de prevención, vixilancia y estinción van tar en máxima alerta, dende personal a medios técnicos. La Guardería del Mediu Natural caltiense en llabores de guardia activa al 100% del so personal, col fin de xixilar y avisar énte cualquier incidencia.

Cabe recordar que, como midíes de prevención, a partir del nivel de riesgu 4 queden llindaes les actividaes tanto n'el mesmu monte como na franxa de seguridá de menos de 100 metros de la so redolada, y totalmente prohibíes les quemes, barbacoes o'l manexu d'elementos que puedan causar quemes.

L'actuación del Gobiernu d'Asturies dexó identificar les causes y los responsables, coles implicaciones sancionadores qu'esto trai, de les cuatro quemes postreres de valumbu producíes esti añu.


Icono gráfico alusivo al tipo de archivo Audiu (Audiu: 676 Kb) (n'español)

Información sobre el documento

© Copyright 2006. Gobiernu del Principau d'Asturies