Gobiernu del Principau d'Asturies

Asturies, muncho más cerca

Tas en

Asturias.es Temes Mediu Ambiente Infraestructures invierte 98.837 euros na meyora de la rede de ...
 

Mediu Ambiente

Infraestructures invierte 98.837 euros na meyora de la rede de suministru d'agua de Les Regueres

La conseyería empecipió les obres de sustitución de trés quilómetros de tuberíes en dellos núcleos del conceyu, que van concluyir primero de que remate l’añu

28/10/2019

La Conseyería d'Infraestructures, Mediu Ambiente y Cambéu Climáticu empecipió les obres de renovación de 3.020 metros de conducciones de suministru d'agua nel conceyu de Les Regueres, con una inversión de 98.837 euros. Estos trabayos van rematar primero qu'acabe l'añu y van repercutir na meyora del suministru nos núcleos afectaos.

El proyectu incluye la sustitución de les tuberíes ente los depósitos de L’Escampleru y Gallegos, asina como la renovación de los elementos auxiliares de les válvules de la cámara de llaves d'esti últimu.

Van anovase tamién les conducciones de dellos tramos de la rede que parte dende'l depósitu de L’Escampleru a Finca Lastra, La Tabierna, La Cerra, Chaboleru y Tamargu.

Asina mesmo, va camudase la tubería d'entrada al depósitu d’Andayón dende l'arqueta asitiada al pie de la carretera AS-234, que xune L’Escampleru y Peñaflor.

Información sobre el documento

© Copyright 2006. Gobiernu del Principau d'Asturies