Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances La mesa técnica p’abordar proyectos alternativos al cierre de ...
 

Economía y finances

La mesa técnica p’abordar proyectos alternativos al cierre de Vesuvius va reunise’l 30 d’ochobre

El Gobiernu d'Asturies va siguir trabayando para recuperar l'actividá y los empleos. La Conseyería d'Industria realiza llabores de prospección para identificar potenciales inversores y sectores de negociu alternativos

16/10/2019

La mesa técnica para esquizar alternatives al zarru de les plantes de Vesuvius va axuntase'l 30 d'esti mes na sede de la Conseyería d'Industria, Empléu y Promoción Económica. A ese alcuentru t, coordináu pol Gobiernu d'Asturies y el Ministeriu d'Industria, Comerciu y Turismu, van ser convocaes toles partes implicaes: la Xunta de Castiella y Llión, los conceyos afectaos, los representantes de losl trabayadores y la mesma empresa.

El Principáu va siguir trabayando para recuperar l'actividá y los empleos perdíos, tal que fixo desque'l 5 de setiembre se diera a conocer el zarru de les factoríes de Llangréu y Miranda d’Ebro (Burgos). Nesti sentíu, Industria yá ta realizando llabores de prospección para identificar posibles inversores y actividaes alternatives.

La conseyería llamenta, sicasí, que la empresa optara por un procesu de deslocalización y que caltenga la so negativa a ampliar el periodu de consultes del espediente de regulación d'empléu.

La directora xeneral d'Industria, Rosana Prada, sorraya que tanto l'Executivu autonómicu como'l central van realizar un siguimientu refechu y van velar, de forma paralela a los trabayos de la mesa técnica, pol cumplimientu de los compromisos dereindustrialización asumíos pola compañía colos trabayadores

Información sobre el documento

© Copyright 2006. Gobiernu del Principau d'Asturies