Gobiernu del Principau d'Asturies

Asturies, muncho más cerca

Tas en

Asturias.es Infancia y Families El Gobiernu d’Asturies crea un comité de participación con ...
 

Infancia y Families

El Gobiernu d’Asturies crea un comité de participación con menores que viven nos centros de titularidá autonómica

Esta midida tien por oxetivu fomentar l'espíritu críticu y el trabayu n'equipu ente la mocedá. “Ye bien importante escuchar la voz de la infancia porque ye'l futuru de la nuestra rexón”, aseguró la conseyera de Derechos Sociales, Melania Álvarez

De izquierda a derecha, el presidente de la asociación Juvenil Los Glayus, Alejandro García; la consejera de Derechos Sociales y Bienestar, Melania Álvarez, y el director general del Instituto Asturiano para la Atención Integral a la Infancia y a las Familias, Carlos Becedóniz

22/07/2020

El Gobiernu d'Asturies creó un comité de participación con menores que moren en centros de titularidá autonómica, coles mires d'integrar a los sos miembros nos conseyos municipales de participación infantil. Esta iniciativa tien por oxetivu tomar en consideración les sos opiniones y fomentar la so autonomía personal nel procesu de transición a la vida adulta.

L'oxetivu ye que neños y neñes treslladen les sos preocupaciones ya inquietúes a los responsables de la Conseyería de Derechos Sociales y Bienestar, amás de trabayar na so historia de vida, promocionar la so inclusión nos procesos de toma de decisiones y fomentar l'espíritu críticu, asambleariu y democráticu. Tamién se van recoyer los sos puntos de vista sobre'l funcionamientu de los centros de menores y los sos analises p'adoptar meyores si fuera mester.

Esti proyectu, que se xestiona dende l'Institutu Asturianu pa l'Atención Integral a la Infancia y a les Families, respuende a un propósitu específicu recoyíu mesmo nel Plan d'Infancia que nel plan operativu de centros, qu'establecen la necesidá de fomentar la participación de menores acoyíos.

Esti comité de participación, que celebró esta mañana la primer mesa de trabayu con menores, entama por tramos d'edá y cuenta con trés grupos: unu pa 6 a 11 años, otru de 12 a 14 y otru de 15 a 17. Estos 20 neños y neñes representen a 393 residentes nos 17 centros d'Asturies. Les xuntes van realizar de forma periódica n'Uviéu, Xixón y Avilés, onde s'alluguen los centros, y una vez al trimestre va haber un alcuentru nel que van participar menores de les trés ciudaes.

La conseyera de Derechos Sociales y Bienestar, Melania Álvarez, que cerró la xornada de trabayu celebrada esta mañana, sorrayó la importancia d'escuchar a la mocedá, porque ye'l futuru de la nuesa rexón. Los y les menores tienen de ser teníes en cuenta, impórtanos enforma lo que piensen, les sos preocupaciones, mieos ya ilusiones, y pa que toos esos pensamientos tomen forma y nos ayuden a decidir creemos el comité de participación”, esplicó. Al so xuiciu, el calter colectivu del proyectu asegura meyores resultaos, “porque'l talentu gana partíos, pero'l trabayu n'equipu gana campeonatos”.

 El Gobiernu d'Asturies creó un comité de participación con menores que moren en centros de titularidá autonómica, coles mires d'integrar a los sos miembros nos conseyos municipales de participación infantil. Esta iniciativa escuerre tomar en considerancia les sos opiniones y fomentar la so autonomía personal nel procesu de transición a la vida adulta.

L'oxetivu ye que neños y neñes treslladen les sos esmoliciones y moliciones a los responsables de la Conseyería de Derechos Sociales y Bienestar, amás de trabayar na so hestoria de vida, promocionar la so inclusión nos procesos de toma de decisiones y fomentar l'espíritu críticu, asambleariu y democráticu. Tamién se van recoyer los sos puntos de vista sobro'l funcionamientu de los centros de menores y los sos analises p'adoptar ameyores si fueren necesaries.

Esti proyectu, que se xestiona dende l'Institutu Asturianu pa l'Atención Integral a la Infancia y a les Families, respuende a un propósitu específicu recoyíu tantu nel Plan d'Infancia como nel plan operativu de centros, qu'establecen la necesidá de fomentar la participación de menores acoyíos.

Esti comité de participación, que celebró esta mañana la primer mesa de trabayu con menores, entamar por tramos d'edá y cuenta con trés grupos: unu pa 6 a 11 años, otru de 12 a 14 y otru de 15 a 17. Estos 20 neños y neñes representen a 393 residentes nos 17 centros d'Asturies. Les xuntes van realizar de forma periódica n'Uviéu, Xixón y Avilés, onde s'alluguen los centros, y una vegada al trimestre va haber un alcuentru nel que van participar menores de les trés ciudaes.

La conseyera de Derechos Sociales y Bienestar, Melania Álvarez, que cerró la xornada de trabayu celebrada esta mañana, sorrayó la importancia d'escuchar a la mocedá, porque ye'l futuru de la nuesa rexón. Los y les menores tienen de ser teníes en cuenta, impórtanos enforma lo que piensen, les sos esmoliciones, mieos ya ilusiones, y por que toos esos pensamientos tomen forma y ayúdennos a decidir creemos el comité de participación”, esplicó. Al so xuiciu, el calter colectivu del proyectu asegura meyores resultaos, “porque'l talentu gana partíos, pero'l trabayu n'equipu gana campeonatos”.


Icono gráfico alusivo al tipo de archivo Audiu (Audiu: 789 Kb) (n'español)

Información sobre el documento

© Copyright 2006. Gobiernu del Principau d'Asturies