Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances El Principáu va aprovechar el potencial de Coxersa pa impulsar ...
 

Economía y finances

El Principáu va aprovechar el potencial de Coxersa pa impulsar la economía circular lligada a la xestión y revalorización de residuos

El conseyeru de Ciencia, Borja Sánchez, pon al consorciu como exa pa liderar llinies d’I+D+i qu’atraigan la inversión privada y xeneren valor añedíu n’Asturies

izda. a dcha, la viceconsejera de Medio Ambiente, Nieves Roqueñí; el consejero de Ciencia, Innovación y Universidad, Borja Sánchez; el responsable de I+D+i de Cogersa, José Manuel González; el Dtor. Gral. de Innovación, Investigación y Transformación Digital, Iván Aitor Lucas y la Dtora. Gral. de Calidad Ambiental y Cambio Climático, Paz Orviz Ibáñez

24/09/2020

El Gobiernu d’Asturies va impulsar les polítiques d’I+D+i lligaes a la economía circular, sobre manera a la xestión y revalorización de residuos. Pa eso, la Conseyería de Ciencia, Innovación y Universidá propón aprovechar el potencial n’I+D+i del Consorciu pa la Xestión de los Residuos Sólidos n’Asturies (Coxersa) pa desenvolver iniciatives que xeneren valor añedíu y ayuden al cambéu de modelu productivu de la industria rexonal.

El conseyeru de Ciencia, Innovación y Universidá, Borja Sánchez, xunto a la viceconseyera de Mediu Ambiente y Cambéu Climáticu, Nieves Roqueñí, y los directores xenerales de Calidá Ambiental y Cambéu Climáticu, Paz Orviz Ibáñez, y d’Innovación, Investigación y Tresformación Dixital, Iván Aitor Lucas, visitaron la planta de Coxersa en Serín pa conocer de cerca los proyectos d’investigación y innovación nos qu’anguaño trabaya la compañía enmarcaos na economía circular.

Sánchez destacó qu’una prioridá d’esti gobiernu ye alliniar les nuestres polítiques d’innovación col impulsu a la economía circular y dientro d’ella la economía del residuu. Pa eso “vamos aprovechar ún de los grandes diferenciales d’Asturies: Coxersa, que yá tien llinies d’I+D+i”.

El titular de Ciencia punxo de relieve que la compañía dispon yá d’infraestructures abiertes a la collaboración con grupos científico-tecnolóxicos y empresariales onde puen desenvolvese iniciatives público-privaes qu’ayuden a xenerar valor añedíu a la nuestra comunidá”.

Un exemplu ye’l programa Landfill4Health, una investigación pal aprovechamientu d’un complexu de tratamientu de residuos pa la producción de microalgues.

Borja Sánchez considera importante incluyir la economía del residuu dientro de la Estratexa d’Especialización Intelixente (S3), “que tien que se basar na existencia de cadenes de valor y recoyer un itinerariu de cambéu de modelu productivu de la mano de la descarbonización de la nuestra industria”.

Pa la viceconseyera de Mediu Ambiente, Nieves Roqueñí, “la innovación ye clave pa encarar los retos que se nos presenten nos años vinientes, nos que tenemos que dar salida a los productos procedentes del tratamientu de residuos como los bioestabilizaos o’l CSR”.

Ún de los primeros oxetivos ye la busca de sitios onde puedan afitase tanto innovación como talentu, qu’ayuden a competir polos fondos europeos de la transición ecolóxica y que valgan de tractores pa movilizar inversión privada. L’Alministración rexonal punxo en marcha dellos instrumentos que van valir pa incentivar el desenvolvimientu de centros d’I+D+i y iniciatives de collaboración público-privada. Un exemplu ye’l programa Misiones Científiques del Principáu d’Asturies, que la so convocatoria pa formar consorcios –con 400.000 euros-- va salir llueu. La rebaxa d’emisiones y gas d’efectu ivernaderu va ser una de les llinies competitives. Otres opciones son los Open Labs, espacios de collaboración ente investigadores y tecnólogos procedentes d’empreses, o la Compra Pública Innovadora.

Información sobre el documento

© Copyright 2006. Gobiernu del Principau d'Asturies