Gobiernu del Principau d'Asturies

Asturies, muncho más cerca

Tas en

Asturias.es Temes Economía y finances El Principáu formaliza un alcuerdu cola rexón chilena de ...
 

Economía y finances

El Principáu formaliza un alcuerdu cola rexón chilena de Tarapacá pa fomentar la colaboración y les relaciones económiques

Una delegación encabezada poles directores xenerales del Idepa y Asturex visita Chile esta selmana, dientro del Programa de Cooperación Urbana Internacional de la Unión Europea

La directora general del IDEPA, Eva Pando, y el intendente de la región de Tarapacá, Miguel Ángel Quezada, en el momento de formalizar el acuerdo

02/07/2019

   - El Gobiernu d'Asturies y la rexón chilena de Tarapacá formalizaron un alcuerdu para impulsar procesos de tresferencia tecnolóxica, de dixitalización y d'economía circular. Los dos territorios comprométense tamién a fomentar les relaciones económiques y financieres, mesmo qu’a collaborar n'asuntos d'interés ambiental, territorial y comercial.
   - El conveniu foi suscritu pol conseyeru d'Empléu, Industria y Turismu en funciones, Isaac Pola, y l'intendente de la rexón de Tarapacá, Miguel Ángel Quezada. Nel actu de firma del intendente rexonal tuvieron presentes la directora xeneral del Institutu de Desenvolvimientu Económicu del Principáu (Idepa), Eva Pando, y la directora xeneral d’Asturex, Teresa Vigón, qu'encabecen la delegación asturiana que visita Chile estos díes. El conseyeru d'Empléu, que nun participa nel viaxe, robló'l documentu primeramente.
   - Tanto esti alcuerdu como les actividaes que va desenvolver en Chile la delegación asturiana enmárcase nel Programa de Cooperación Urbana Internacional de la Unión Europea, que fomenta'l desenvolvimientu urbanu sostenible en cooperación. Esti proyectu inclúi un subprograma empobináu a promover la collaboración ente rexones de la Unión Europea y d'América Llatina, dientro del que’ l Principáu y Tarapacá fueron escoyíes pa trabayar conxuntamente.
   - Nesti contestu, la delegación asturiana participó ayeri en delles xuntes col intendente, col presidente del Conseyu Rexonal, y con ministros y diputaos rexonales, ente otres autoridaes. Amás, los representantes del Principáu visitaron la zona franca d’ quique, la delegación de Corporación de Fomentu de la Producción, l'Axencia de Promoción Económica y l'Hub Tarapacá, ún de los proyectos más emblemáticos de la rexón, que se desenvuelve en collaboración cola Universidá Tecnolóxica de Chile pa sofitar a empreses emerxentes.
   - Na so estancia en Chile, la delegación asturiana va conocer empreses que desenvuelven la so actividá nel campu de la economía circular, les enerxíes anovables, la electromovilidá, la inxeniería y el sector mineru.
   - Esta visita produzse tres el viaxe de la delegación de Tarapacá al Principáu n'abril, encabezáu por Miguel Ángel Quezada. Na so estancia n'Asturies, los representantes rexonales axuntáronse col presidente de la comunidá, Javier Fernández, y col conseyeru d'Empléu. Tamién celebraron alcuentros de trabayu con instituciones autonómiques, organismos de promoción, centros tecnolóxicos y visitaron infraestructures como l'Hospital Universitariu Central d'Asturies (HUCA) y el puertu de Xixón.

 

Información sobre el documento

© Copyright 2006. Gobiernu del Principau d'Asturies