Gobiernu del Principau d'Asturies

Asturies, muncho más cerca

Tas en

Asturias.es Temes Europa Los ganaderos y agricultores van poder solicitar hasta’l 30 ...
 

Europa

Los ganaderos y agricultores van poder solicitar hasta’l 30 d’abril les ayudes de la Política Agrícola Común, qu’anguaño algamen los 75,4 millones

El Boletín Oficial del Principáu publicó güei la convocatoria correspondiente al 2019

06/03/2019

Los llabradores y ganaderos asturianos van poder solicitar, a partir de güei y hasta’l 30 d’abril que vien, nes entidaes collaboradores habituales, l’ayuda única de la Política Agrícola Común (PAC) correspondiente al 2019. Esta subvención, que publica güei la so convocatoria’l Boletín Oficial del Principáu d’Asturies, xube a 75.420.000 euros y va beneficiar a más de 10.000 solicitantes.

Esta llinia de sofitu ye la más específica empobinada a los llabradores y ganaderos y supón l’instrumentu principal pal impulsu de les polítiques del Principáu nesti sector.

Les subvenciones busquen ufiertar un nivel de vida razonable a estos profesionales y garantizar la so renta. Amás, ayuden a la modernización de les esplotaciones, calteniendo’l mediu ambiente y el paisaxe rural.

Los fondos repártense en dos grandes bloques:

   - Pagos directos de la PAC. Son ayudes de sofitu a les rentes financiaes dafechu pol Fondu Européu Agrícola de Garantía Agraria (Feaga). Esta llinia cunta con 63.850.000 euros, que se dediquen tanto al pagu d’ayudes desacoplaes -quier dicise, aquelles non vinculaes a la producción, como son los pagos básicu y verde y l’ayuda a la incorporación de mocedá-, como a les acoplaes o vinculaes a la producción. Les ayudes asociaes diríxense, les más d’elles, a esplotaciones que caltengan vaques nodrices, de vacunu de cebu, vacunu de lleche, ovín y caprín.
   - Pagos rellacionaos cola actividá. Tán vinculaos al Programa de Desenvolvimientu Rural del Principáu (PDR). L’importe autorizáu agora pa sofitar l’actividá agraria sostenible xube a 11.570.000 euros y va dexar conceder subvenciones compensatories pa sofitar la producción ecolóxica, ayudes agroambientales pa la producción ganadera sostenible y indemnizaciones por producir n’árees de monte con llimitaciones naturales específiques. Les ayudes tán financiaes conxuntamente pol Principáu, el Ministeriu d’Agricultura, Pesca y Alimentación y el Fondu Européu Agrariu de Desenvolvimientu Rural (Feader).

 

Información sobre el documento

© Copyright 2006. Gobiernu del Principau d'Asturies