Gobiernu del Principau d'Asturies

Asturies, muncho más cerca

Tas en

Asturias.es Abiertu’l plazu d’inscripción pal maratón de programadores que ...
 

Aniciu

Abiertu’l plazu d’inscripción pal maratón de programadores que se va celebrar nel marcu del Congresu Mundial de Destinos Turísticos Intelixentes

- Esti alcuentru de hackers va facese n’Uviéu los díes 23 y 24, xornaes previes al simposiu internacional

13/06/2018

   - Los desarrolladores y diseñadores que participen nel Hackaton van optar a más de 10.000 euros en premios

Los programadores que quieran participar nel I Hackathon Hack4SD —alcuentru de hackers— que se va celebrar los díes previos al Congresu Mundial de Destinos Turísticos Intelixentes que va acoyer Uviéu del 25 al 27 d’esti mes yá puen formalizar les inscripciones al traviés de la web http://www.hack4sd.com/

L’alcuentru de desarrolladores informáticos va tener los díes 23 y 24 nel Palaciu de Congresos d’Uviéu y ta impulsáu polos organizadores del congresu: la Organización Mundial del Turismu (OMT), el Ministeriu d’Industria, Comerciu y Turismu, y el Gobiernu d’Asturies, cola collaboración de Minube. La iniciativa busca desenvolver recursos intelixentes basaos en tecnoloxíes que fomenten un turismu sostenible.

Les respuestes tecnolóxiques son instrumentos fundamentales pa garantizar la sostenibilidá y competitividá de los destinos turísticos. Por eso, esti alcuentru quier ayudar a la creación de soluciones qu’ayuden a xestionar meyor l’éxitu del sector y garanticen la calidá y satisfacción de los visitantes.

Los participantes del Hackathon, que puen ser programadores, diseñadores y profesionales del turismu en grupos d’hasta cinco persones, van competir pa desenvolver el productu más sostenible y innovador dende les 10 hores del sábadu hasta les 15 hores del domingu. Les meyores aplicaciones van repartir ente elles más de 10.000 euros en premios, amás d’otros gallardones basaos nel usu d’una interfaz de programación d’aplicaciones (API) concreta.

Ente los patrocinadores del eventu figuren Paradores, Amadeus, Resourcewatch, Vizzuality y el Centru Tecnolóxicu de la Información y les Comunicaciones (CTIC).

 

 

Información sobre el documento

© Copyright 2006. Gobiernu del Principau d'Asturies