Gobiernu del Principau d'Asturies

Asturies, muncho más cerca

Tas en

Asturias.es Temes Pesca Desarrollu Rural va repoblar la ría del Eo con un millón ...
 

Pesca

Desarrollu Rural va repoblar la ría del Eo con un millón d’amasueles babosa, especie endémica del estuariu

Los exemplares, de cinco meses d’edá y con un tamañu de 8 a 12 milímetros, van repartise por diferentes zones intermareales

23/07/2019

La Conseyería de Desenvolvimientu Rural y Recursos Naturales va repoblar la ría del Eo con un millón d'exemplares d'amasuela babosa (Venerupis corrugata), especie reinal del estuariu, nes baxamares de les marees vives d'esti mes y del próximu.

La lliberación de los xuveniles, procedentes del Centru d'Esperimentación Pesquera de Castropol, va llevase a cabu de forma progresiva, conforme vaigan algamando la talla afayadiza pa la implantación (de 8 a 12 milímetros). Los exemplares, de cinco meses d'edá, van partir en distintes zones intermareales pa facilitar una meyor distribución de les amasueles ente les poblaciones naturales yá existentes.

Amás, col propósitu de favorecer l'asentamientu, parte de la producción va protexese con una rede de cobertoria dos o trés meses. Darréu, esa rede va retirase pa facilitar la dispersión de les amasueles.

Esta iniciativa inaugura una campaña de producción ya introducción d'esta amasuela autóctona de la ría pa diversificar los bancos naturales y potenciar los recursos marisqueros. Paralelamente, anguaño lliberáronse un millón d'exemplares d'amasuela fino.

 

Información sobre el documento

© Copyright 2006. Gobiernu del Principau d'Asturies