Gobiernu del Principau d'Asturies

Asturies, muncho más cerca

Tas en

Asturias.es Temes Educación Centros educativos ya Instituciones El Gobiernu d’Asturies emtama les obres del IES de La Florida, ...
 

Centros educativos ya Instituciones

El Gobiernu d’Asturies emtama les obres del IES de La Florida, N’Uviéu que cunten con una inversión de 6,2 millones

L'institutu, que va tener doce aules de Secundaria y seis de Bachilleratu, va allugar espacios pensaos para implantar nueves metodoloxíes d'aprendizaxe

03/09/2019

El Gobiernu del Principáu entama mañana les obres del nuevu Institutu d'Educación Secundaria (IES) de La Florida, n'Uviéu, d'alcuerdu a un modelu arquitectónicu y pedagóxicu innovador para llograr una educación más inclusiva, equitativa y de calidá.

El proyectu, del arquitectu Eduardo Fernández, cuenta con un presupuestu d'axudicación de 6.226.754,64 euros (IVA incluyíu) y los trabayos, axudicaos a la UTE IES la Florida, tienen un plazu d'execución de 18 meses.

El nuevu centru va allugar 18 unidaes, de les que doce van ser aules d'Educación Secundaria y seis de Bachilleratu, amás d'una pista deportiva.

L'equipamientu planiase so la premisa de ser estructuralmente distintu, construyíu coles máximes calidaes -certificación enerxética con calificación de triple A, edificiu sostenible con certificación verde- y, sobremanera, con nuevos y distintos espacios pensaos pa la implantación de nueves metodoloxíes d'aprendizaxe.

Al igual que los institutos proyectaos pa La Fresneda (Siero) y La Corredoria (Uviéu), va ser un centru qu'apueste por una escuela inclusiva, con un enfoque integral de desenvolvimientu de la equidá pa consiguir l'éxitu de tol alumnáu, comprometíu con unos valores fundamentales que representen el deséu de fomentar la participación y la convivencia positiva de tola comunidá educativa.

 

Información sobre el documento

© Copyright 2006. Gobiernu del Principau d'Asturies