Gobiernu del Principau d'Asturies

Asturies, muncho más cerca

Tas en

Asturias.es Temes Mediu Ambiente El conseyeru d’Infraestructures, escoyíu por unanimidá ...
 

Mediu Ambiente

El conseyeru d’Infraestructures, escoyíu por unanimidá presidente de Coxersa

El Consorciu pa la Xestión de Residuos Sólidos d’Asturies renovó güei los sos órganos de gobiernu. La viceconseyera de Mediu Ambiente y Cambéu Climáticu va ser la vicepresidenta de la entidá

Un momento del acto

30/10/2019

La nueva xunta de gobiernu del Consorciu para la Xestión de Residuos Sólidos d'Asturies (Coxersa), constituyida güei, escoyó presidente al conseyeru d'Infraestructures, Mediu Ambiente y Cambéu Climáticu, Juan Cofiño, y vicepresidenta a la viceconseyera de Mediu Ambiente y Cambéu Climáticu, Nieves Roqueñí.

La xunta de gobiernu ta constituyida por dos representantes del Principáu y otros dos por caún de los 78 conceyos miembros del consorciu. Asina, el 20% de la representatividá correspuénde-y al Gobiernu d'Asturies y el 80% restante a los conceyos, en función de la so población.

Coxersa dio na renovación de los sos órganos de dirección tres les eleccionesautonómiques y municipales de mayu y tolos sos miembros fueron escoyíos por unanimidá.

Amás, los integrantes de la xunta de gobiernu designaron a los miembros de la comisión delegada, órganu de gobiernu que va tar formáu pol presidente y la vicepresidenta del consorciu, los alcaldes de Gozón ya Illas, Jorge Suárez y Alberto Tirador, respectivamente; l'alcaldesa de Coaña, Rosana González y los conceyales Gerardo Antuña (Uviéu), Carmen Saras (Xixón) y Manuel Ángel Riola (Avilés).

Tamién fueron nomaos los representantes de la xunta de gobiernu en Proygrasa, empresa perteneciente a Coxersa que xestiona material específico de riesgu ( MER), y Bioastur, compañía participada al 50% pol consorciu que produz enerxía eléctrica a partir del biogás del vertideru.

Información sobre el documento

© Copyright 2006. Gobiernu del Principau d'Asturies