Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Sanidá Vexetal El Gobierno d’Asturies va escluyir de la nueva normativa para ...
 

Sanidá Vexetal

El Gobierno d’Asturies va escluyir de la nueva normativa para esparder purinos el 91,31% de la superficie que recibe ayudes de la PAC

La conseyera de Desarrollu Rural asegura que la regulación malapenes va afectar al Principáu

La consejera de Desarrollo Rural y Recursos Naturales, María Jesús Álvarez, y el director general de Ganadería, Ibo Álvarez

31/01/2018

El Gobiernu d'Asturies va escluyir de l'aplicación de la nueva normativa de purinos el 91,31% de la superficie que se declara a la Política Agrícola Común (PAC), lo que representa un total de 186.582,84 hectárees y el 96,14% de les finques declaraes. Esta midida va permitir que sigan aplicando esti cuchu de la mesma forma qu'hasta agora.

Asina lo anunció la conseyera de Dearrollu Rural y Recursos Naturales, María Jesús Álvarez, tres la xunta celebrada güei ente'l Fondu Español de Garantía Agrícola (FEGA) y técnicos de les distintes comunidaes autónomes. Álvarez aseguró que'l so departamentu va publicar nos próximos díes una resolución nel Boletín Oficial del Principáu (Bopa) cola normativa asturiana sobre purinos.

La resolución va establecer les esceiciones a la normativa del Ministeriu d'Agricultura sobre l'aplicación de purinos per parte de los ganaderos y llabradores asturianos que reciben ayudes de la PAC. Asina, el so usu nes superficies agrícoles nun va poder realizase por aciu sistemes de platu o abanicu nin cañones, sacante nos siguientes casos:

 - Finques con pendientes de media superiores al 10%.

 - Finques con una superficie inferior a 5.000 metros cuadraos.

La estensión declarada nel Principáu con pendientes de media inferior al 10% ye de 17.776,69 hectárees, un 8,69% del total, ente que los recintos con superficie superior a 5.000 metros cuadraos son 16.373, el 3,85%. Con estos dos criterios, el terrén exentu d'aplicación de la nueva normativa ye del 91%.

 - Cuando'l restu de parceles agrícoles d'una esplotación (descontaes les incluyíes nes dos primeres esceiciones), en xunto, representen una superficie inferior al 50% de la total neta de la esplotación, o menos de dos hectárees.

 - Cuando'l restu de parceles agrícoles de la esplotación (descontaes les incluyíes nes superior al 50% de la superficie total neta, si los purinos correspuenden a esplotaciones de ganáu bovino con almacenamientu en fuesa enterrada y cubierta, y l'aplicación se lleva a cabu en díes con una temperatura media inferior a 12 graos, según la estación de Aemet más próxima a la esplotación.

 - Cuando se trate de parceles agrícoles nes que se realice un tratamientu posterior, por aciu enterramientu con aráu de vertedera o cultivador, dientro de les 24 hores siguientes a la so aplicación.

Tocantes al cuchu, han soterrase depués de la so aplicación nel menor plazu de tiempu posible, sacante pa:

 - Los tipos de cultivu per aciu llanzadera directa o mínimu llaboréu.

 - Les camperes.

 - Los cultivos permanentes.

 - Cuando l'aportación de cuchu se realiza en cobertera col cultivu yá instaláu.

 - Sía que non, va autorizase la so aplicación ensin enterramientu posterior de forma escepcional, cuando esti usu correspuenda coles práctiques tradicionales.

La conseyera de Desarrollu Rural recordó que la nueva normativa afecta a losl llabradores y ganaderos que reciben ayudes de la PAC “venceyaes a compromisos medioambientales” y que purinos y cuchu van poder siguir utilizándose porque “lo único que camuda ye la técnica d'aplicación d'estos abonos p'aquellos casos que nun se excepcionen”.

Álvarez unvió un mensaxe de tranquilidá” a los ganaderos y llabradores porque “recibieron informaciones errónees, confuses y alarmistes de forma intencional dacuando y, sicasí, l'aplicación de la nueva normativa malapenes va afectar a Asturies”. Tamién esplicó que'l Principáu yá treslladó en xunetu de 2017 los sos allegamientos al borrador del real decretu sobre l'usu de purinos. “N'avientu solicitamos, amás, una moratoria de dos años na so aplicación, qu’entá nun tuvo respuesta”, afirmó. 

Información sobre el documento

© Copyright 2006. Gobiernu del Principau d'Asturies