Gobierno del Principado de Asturias

Asturias, mucho más cerca

Estás en

Aniciu 246 médicos especialistes, el 47 % d'ellos de fuera d'Asturies, ...
 

Aniciu

246 médicos especialistes, el 47 % d'ellos de fuera d'Asturies, tán citaos güei nuna convocatoria nueva de la ufierta pública d'empléu del Sespa

Los exámenes pa les places de ciruxía xeneral, uroloxía y xinecoloxía desenvuélvense esta mañana nes aules de la Facultá d'Económiques

18/03/2017

Un total de 246 médicos especialistes del país, el 47 % d'ellos procedentes de fuera de la comunidá autónoma, tán convocaos esta mañana a la segunda prueba de la ufierta pública d'empléu del Serviciu de Salú del Principáu d'Asturies (Sespa) d'anguaño. Los facultativos opten a 32 places: 14 de ciruxía xeneral; 13 de obstetricia y xinecoloxía; y 5 d'uroloxía.

Los 26 aspirantes a la especialidá d'uroloxía son los que más opciones tienen de consiguir una de los cinco places a concursu, yá que cunten con una ratio de 5,2 candidatos por puestu. Mientres, la ratio pa los 121 opositores pa les places de obstetricia y xinecoloxía ta en 9,3 opositores por cada plaza convocada.

Los 99 médicos de ciruxía xeneral aspiren a 14 puestos, con una ratio de 7 especialistes por plaza.

Esta ye la segunda prueba de la OPE del Sespa del 2016, la primera que se realiza anguaño tres la qu'axuntó'l pasáu mes d'avientu n'Asturies a 1.376 médicos especialistes qu'optaron a 160 places: 96 de medicina de familia, 28 de anestesioloxía y reanimación, 19 de radiodiagnósticu y 17 de pediatría d'Atención Primaria.

Les pruebes realícense nes aules de la Facultá d'Económiques de la Universidá d'Uviéu, nel campus d'El Cristo, a partir de les once de la mañana.

Los exámenes de caúna de les especialidaes preparáronlos los distintos tribunales en presencia d'un notariu.

La prueba consiste nun cuestionariu escritu de cien preguntes tipo test con cuatro respuestes alternatives de les que namás una ye la correcta.

Un grupu de 20 entrugues correspuenden a la parte xeneral del temariu y les 80 restantes, a la parte específica. Amás, hai 15 cuestiones de reserva p’anulaciones posibles. El tiempu pa la realización de la prueba ye de dos hores.

Información sobre el documento

© Copyright 2006. Gobierno del Principado de Asturias