Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes Politica Forestal Desarrollu Rural destinó esta llexislatura 26,3 millones a ...
 

Politica Forestal

Desarrollu Rural destinó esta llexislatura 26,3 millones a subvencionar proyectos de 256 empreses agroalimentaries y forestales

Les ayudes del Principáu p’ameyorar la competitividá d’estes factoríes favorecieron una inversión global nel territoriu de 97,7 millones. La conseyera María Jesús Álvarez visitó güei en Navia la empresa Reny Picot

Un momento de la visita

09/04/2019

El Gobiernu d'Asturies concedió esta llexislatura 26.317.314 euros en subvenciones a 256 empreses agroalimentaries y forestales, lo que favoreció una inversión global nel territoriu de 97.771.911 euros.

La conseyera de Desenvolvimientu Rural y Recursos Naturales, María Jesús Álvarez, ufiertó güei estos datos en Navia, na visita que realizó a la fábrica deReny Picot. Álvarez destacó la importancia del sector llacteu pal Principáu, lo mesmo que de les industries que caltienen “un compromisu territorial” cola comunidá. Nesti sentíu, sorrayó que Reny Picot “produz y tresforma lleche n'Asturies y compite nun mercáu global”.

“Reny Picot ye una factoría siempre pendiente de la innovación, qu'invierte permanentemente p’algamar nuevos mercaos, col fin de poner a disposición del consumidor nuevos y meyores productos”, resaltó. Otramiente, indicó que la compañía dedicó casi 13.000.000 euros a distintos proyectos nos últimos años, sofitaos por Desenvolvimientu Rural con casi 2,2 millones, dientro de la convocatoria para grandes industries agroalimentarias.

La titular de Desenvolvimientu Rural valoró tamién la capacidá de los ganaderos asturianos: “son mui competitivos pola calidá de la lleche, calteniendo’l so preciu percima de la midida nacional, y tamién porque existen empreses con compromisu territorial”.

La conseyera sorrayó, amás, “la importancia de los sectores agroalimentariu y forestal na economía asturiana”, mesmo que la so gran capacidá de crecimientu, “que los convierte n'una gran oportunidá pal desenvolvimientu del mediu rural”.

Les subvenciones a industries agroalimentaries y forestales tán previstes nel Programa de Desenvolvimientu Rural d'Asturies (2014-2020). Estes ayudes tán empobinaes a la tresformacienón, comercialización y desenvolvimientu de productos agrícoles y a les tecnoloxíes forestales, p'ameyorar la capacidá granible d'estos sectores y, poro, la diversificación de la producción primaria.

 

Información sobre el documento

© Copyright 2006. Gobiernu del Principau d'Asturies