Gobiernu del Principau d'Asturies

Asturies, muncho más cerca

Tas en

Asturias.es Temes Deportes Más de 4,6 millones de telespectadores siguieron en directo les ...
 

Deportes

Más de 4,6 millones de telespectadores siguieron en directo les trés etapes asturianes de La Vuelta

El desenllaz de la carrera del llunes, con salida en Pravia y final nel Alto’l Palo (L. lena), rexistró una audiencia de 2.086.000 persones

11/09/2019

Les trés etapes asturianes de La Vuelta rexistraron una audiencia televisiva de 4.690.000 espectadores, según cifres de Kantar Media, la empresa responsable de la midida d'audiencies n'España.

Por xornaes, la del llunes, con salida en Pravia y meta nel Alto’l Palo (L.lena), tuvo'l final más siguíu, al llegar a los 2.086.000 d'espectadores y foi líder d'audiencia nel so tramu d'emisión. La etapa celebrada'l domingu, ente Tinéu y el santuariu del Acebo (Cangas), y la del sábadu, que concluyó n'Uviéu, fueron siguíes por 1.801.000 y 807.000 persones, respectivamente. Amás, la xornada que llegó hasta l'altu del Acebo rexistró picos d'audiencia percima de los dos millones de telespectadores.

A la señal televisiva en directo hai que sumar la realizada polos 1.144 profesionales de 327 medios de comunicación acreitaos nesta edición de la ronda española, lo que multiplica l'algame y la repercusión de la imaxe d'Asturies como escenariu de la prueba ciclista.

La Vuelta, una de les trés competiciones ciclistes más importantes del mundu, lleva xuna caravana de 3.000 persones ente competidores, profesionales de los cuerpos y fuerces de seguridá y periodistes. Según les estimaciones de la organización, xeneraría en redol a 7.500 pernoctaciones n'establecimientos hoteleros del Principáu y un gastu directu nel so conxuntu que superaría'l millón y mediu d'euros.

 

Información sobre el documento

© Copyright 2006. Gobiernu del Principau d'Asturies