Gobiernu del Principau d'Asturies

Asturies, muncho más cerca

Tas en

Asturias.es Educación va impulsar en 2019 la mayor ufierta d’empléu en ...
 

Aniciu

Educación va impulsar en 2019 la mayor ufierta d’empléu en Primaria, con 781 plazas, y va esparder la rede d’escuelas de 0 a 3 años

El presupuestu del departamentu que dirixe Genaro Alonso crez un 6,08%, hasta algamar los 837. 685. 097 euros. La partida pa les escueles de primer ciclu d’nfantil xsbe un 40,43% pa financiar la reducción del 50% de les cuotes qu’ebonen les families. La Viceconseyería de Cultura aporta casi 500. 000 euros a la restauración y conservación de bienes patrimoniales catalogaos

04/12/2018

El conseyeru d'Educación y Cultura, Genaro Alonso, presentó güei na Xunta Xeneral les cuentes del so departamentu pa 2019, que crecen un 6,08% al respective d’esti añu, hasta los 837.685.097 euros. L'aumentu va destinase a reforzar la calidá educativa por aciu l'afitamientu del empléu públicu, cola mayor ufierta de la historia pa Educación Primaria: 781 places para docentes en siete especialidaes. Dalgunes de les prioridaes del proyectu son les siguientes:

 

Creación d'empléu públicu

El proyectu acuta 2.400.000 euros para les oposiciones al cuerpu de maestros. La Ufierta Pública d'Empléu de 2017 incluyó 528 places pa maestros, que xunto coles 253 que va dar la de 2018 (entá pendiente d'aprobación) sumen 781, que van salir na convocatoria de 2019. D'elles, el 7% (60 en total) van acutase a persones con discapacidá.

Amenorgamientu de la xornada lectiva del profesoráu de Secundaria

El proyectu preveé destinar 5,7 millones a revertir la medra de la xornada lectiva del profesoráu de Secundaria y tornar a les 18 hores.

 

Midíes de rescate social

Les cuentes van dar continuidá a les midíes de rescate que garanticen l'accesu a la educación con igualdá y equidá. Son les siguientes:

   - Aumentu de la financiación nel programa de préstamu de llibros. vandestinase 2.308.000.000 euros pa xubir el número de beneficiarios de los bancos de llibros nos centros públicos. Esta cifra implica 408.000 euros más. Tamién crecen les ayudes al alumnáu de centros concertaos, hasta los 490.000 euros.
   - Impulsu al tresporte escolar. Caltiénse la cuantía de 2,2 millones. Esta cantidá complétase cola financiación del Consorciu de Tresportes d’Asturies (CTA).
   - Actuaciones del Pactu d’Estáu contra la Violencia de Xéneru. Asígnense 80.000 euros a la Universidá d’Uviéu.
   - Consolidación de los comedores escolares. -Destínense 4 millones a financiar los comedores escolares dependientes de la conseyería. Para los estudiantes que nun disponen d'esti serviciu de manera gratuita, el costu mediu del menú ye de 3,5 euros.
   - Beques universitaries y ayudes a estudiantes. Caltiénense les beques y ayudes complementaries pa estudiantes en situación d'urxente necesidá (20.000 euros) y les convocatories para estudios de máster, cursos d'inglés y Erasmus (544.712 euros).

Personal investigador. El creitu destináu al programa tresañal d'investigación sobre'l cáncer aumenta un 10% (550.000 euros) y la partida pa les beques predoctorales Severo Ochoa crez un 5,48% (2.970.025 euros). Tamién se caltien el compromisu coles ayudes postdoctorales Clarín, con casi un millón, y la cofinanciación de los contratos Ramón y Cajal.

   - Compromisu de financiación cola Universidá d'Uviéu
   - El presupuestu de la Dirección d'Universidaes aumenta en más de 8 millones, un 6,40%. Va haber 129.450.130 euros para l'aportación ordinaria a la Universidá, una tresferencia de 1,5 millones venceyada a la consecución de resultaos y otra de 1,6 pa inversiones. Amás, per primer vegada incorpórase una partida de 800.000 euros que correspuenden a la compensación que realiza'l Principáu a la Universidá pa rebaxar del 5% na primer matrícula del cursu 2018-2019.
   - FP: desenvolvimientu de la formación dual y meyores equipamientos
   - En 2019 va ponese en marcha'l sestu programa de FP dual, va caltenese'l plan esperimental de la rama sanitaria y va trabayase pa implantar un proyectu de trés cursos en seis ciclos del ámbitu industrial ya informáticu. Amás, van destinase 462.000 euros a equipamientu y va entamase el Campeonatu d'Asturies de FP (Asturies Skills).
   - Estensión de la rede educativa de 0 a 3 años
   - La financiación del primer ciclu d'Educación Infantil aumenta un 40,43% al respective de la prórroga presupuestaria y algama los 16,2 millones. Los fondos van financiar l'amenorgamientu del 50% de les cuotes de les families, colo qu'Asturies se convierte na comunidá colos precios más baxos por esti serviciu. Les families que nun tengan derechu a bonificación pol so nivel de renta van abonar un máximu de 162 euros mensuales por xornada completa, incluyíu comedor. Sicasí, el 70% de los usuarios tienen bonificaciones. Amás, van abrise escueles en conceyos onde agora nun hai, como Piloña, Candamu, Sobrescobiu, Casu, Parres o Proaza, mesmo que n'otros con centros que quieren aumentar el serviciu, como Uviéu, Xixón o Gozón. En total, hasta once nueves escueles.
   - Meyora de les infraestructures educatives
   - Les inversiones para obres y meyores superen los 11,7 millones. En concreto, destaquen les siguientes actuaciones:
   - Educación Secundaria. La inversión aumenta un 75,59% y llega a los 7,6 millones. Destínense 5.497.338 euros al entamu de les obres de los nuevos IES de La Fresneda (Siero) y La Florida (Uviéu) y otros 400.000 para la baltadera y contratación del proyectu del nuevu aulariu del IES Rei Pelayo (Cangues d'Onís). Tamién se destinan 450.000 euros pa la contratación del proyectu básicu y d'execución del futuru IES de La Corredoria (Uviéu). La cubierta de la pista polideportiva del IES Rosario Acuña, en Xixón, va cuntar con 381.000 euros.
   - Educación Infantil y Primaria. Prevénse hasta 2.675.265 euros d'inversión en 16 actuaciones. Destaquen l'ampliación y rehabilitación de la escuela de Cecea (Nava), del CRA La Coroña (261.440), l'accesibilidá y reformes interiores nel Colexu Públicu Teodoro Cuesta, de Mieres (269.000), y diverses iniciatives en centros d'infantil y primaria (247.000).
   - Educación Especial. Recuéyense 280.000 euros pa inversiones y mobiliariu nos centros d’educación especial y otros 120.000 pa contratar el proyectu d’un nuevu equipamientu n’Uviéu.
   - Enseñances Artístiques. Los presupuestos destinen 436.000 euros pa inversiones y mobiliariu. La contratación del proyectu de la fase II de la Escuela d’Arte d’Avilés y el cierre perimetral de la parcela de la nueva escuela va cuntar con 159.000.
   - Enseñances Formación Profesional. Incorpórense 228.000 euros pa les obres d’acondicionamientu del CP Virxen de las Mareas como sede del Centru Integráu de FP del Deporte.
   - Educación inclusiva, plurilingüismu y normalización
   - Les cuentes destinen 36.177.740 euros a gastos del personal dedicáu a la educación inclusiva y atención a la diversidá, lo que supón una medra del 10,07%. La conseyería va caltener el so compromisu col aprendizaxe de llingües estranxeres por aciu programes de sofitu n'etapes non universitaries. Aparte, los fondos pal asturianu crecen un 9, % ya inclúin un proyectu pa la promoción na RTPA, dotáu con 70.000 euros. Amás, aumenta la dotación de los premios artísticos y lliterarios y les subvenciones a los servicios de normalización, entidaes locales y medios de comunicación, con 79.440 euros.
   - Camín de Santiago y obres de restauración
   - Patrimoniu Cultural va disponer de 112.500 euros para diversos tramos del Camín de Santiago. Coles mesmes, va dedicar 118.819 a la restauración de la ilesia románica de Santiago d’Arlós (Llanera) y 60.000 a les obres de caltenimientu de Ponte Arcu (Llaviana). Para Santa María del Naranco, Santuyano y San Miguel de Lliño habilítense130.000 euros.
   - Caltenimientu de bienes patrimoniales
   - Patrimoniu alza les llínees de subvención y destina 493.059 euros al caltenimientu y restauración de bienes patrimoniales catalogaos, albergues del Camín de Santiago y horros, paneres, cabazos y otros elementos etnográficos o de patrimoniu arqueolóxicu.
   - Biblioteques autonómiques y artes escéniques
   - Les biblioteques Ramón Pérez d’Ayala (Uviéu) y Xovellanos (Xixón), dambes de titularidá autonómica, van cuntar con 110.000 euros, frente a los 45.000 actuales, para l'alquisición de llibros.
   - Cultura abre una llinia de subvenciones a entidaes locales destinada a financiar la contratación d'espectáculos teatrales, con 250.000 euros.
   - Polítiques d'igualdá nel deporte
   - Deporte va disponer de 230.000 euros para la revisión estraordinaria del remonte de Brañil.lín, en Valgrande-Payares, y 145.000 destinaos a muyeres deportistes, clubes femeninos y polítiques d'igualdá en virtú del Pactu d'Estáu contra la Violencia de Xéneru.

 

   Icono gráfico alusivo al tipo de archivo Audiu (Audiu:2 Mb) (n'español)

Información sobre el documento

© Copyright 2006. Gobiernu del Principau d'Asturies