Gobiernu del Principau d'Asturies

Asturies, muncho más cerca

Tas en

Asturias.es Mocedá El plazu pa participar nel concursu de grafitis contra la ...
 

Mocedá

El plazu pa participar nel concursu de grafitis contra la violencia de xéneru acaba’l próximu viernes

El xuráu del certame, convocáu pola Conseyería de Presidencia, va seleccionar seis proyectos, caún d’ellos va recibirá 800 euros

09/07/2019

El plazu para presentar proyectos al certame de grafiti 2019 contra la violencia de xéneru, que convoca la Conseyería de Presidencia y Participación Ciudadana al traviés del Institutu Asturianu de la Mocedá, remata'l próximu vienres, día 12 de xunetu. Al concursu pueden allegase artistes a titulo personal o dientro d'un colectivu, nacíos n'Asturies o residentes na comunidá, o descendientes hasta segundu grau d'emigrantes asturianos que nun superen la edá de 35 años a 31 d'avientu.

Los proyectos que se presenten tienen d'abordar un tema lligáu a la llucha contra la violencia de xéneru, que se va desenvolver n'una memoria esplicativa de dos folios a lo más. Amás, les persones interesaes tienen d'apurrir un boletín d'inscripción y les declaraciones responsables, xunto con un curriculum vitae y artísticu y un dosier fotográficu en color de siquiera un grafiti.

La documentación ha presentase o unviase al rexistru xeneral de la Conseyería de Presidencia (C/ Eduardo Herrera Herrerita, planta 3ª, sector derechu).

El modelu normalizáu de solicitúes ta disponible nes dependencies de la conseyería y tamién na sede electrónica @www.asturias.es, al traviés del rexistru online activu na ficha de serviciu, introduciendo nel buscador de la cabecera del portal (marxe superior derechu) el códigu 201900041 y escoyendo la forma de tramitación presencial. Tamién puede solicitase na rede d'oficines de la mocedá.

Un xuráu integráu por dibuxantes, ilustradores y críticos, ente otros, va escoyer los seis proyectos que van participar nel certame, que se va desenvolver nel llugar y día que se va anunciar a propósitu. Cada ún de los proyectos escoyíos va recibir un premiu de 800 euros pa encarar los gastos que va portar la participación na exhibición de grafitis.

 

Información sobre el documento

© Copyright 2006. Gobiernu del Principau d'Asturies