Gobiernu del Principau d'Asturies

Asturies, muncho más cerca

Tas en

Asturias.es El Principáu y *Abanca roblen un alcuerdu para favorecer ...
 

Aniciu

El Principáu y *Abanca roblen un alcuerdu para favorecer l'accesu de les empreses asturianes a nuevos mercaos internacionales

El conseyeru Isaac Pola y el director de Banca Institucional de la entidá, Santiago Novoa, suscribieron güei el conveniu, qu'ufierta productos en condiciones favorables pal texíu empresarial

De izquierda a derecha, el director de Negocio Institucional de Abanca Galicia, Asturias y León, José Lino Comesaña; el consejero de Empleo, Industria y Turismo, Isaac Pola; el director de Banca Institucional de Abanca, Santiago Novoa; la directora de Asturex, Teresa Vigón, y el coordinador institucional de Abanca Lugo, Asturias y León, José Antonio Maira

05/12/2018

El Principáu y l'entidá Abanca suscribieron güei un conveniu de collaboración que va permitir ufiertar financiación y asesoramientu especializáu a les empreses asturianes pa sofitar el so accesu a nuevos mercaos internacionales.

El conseyeru d'Empléu, Industria y Turismu y presidente d’Asturex, Isaac Pola, y el director de Banca Institucional d’Abanca, Santiago Novoa, roblaron esta mañana l'alcuerdu, que pon a disposición del texíu empresarial rexonal un ampliu catálogu de productos en condiciones favorables.

Esta iniciativa facilita a les compañíes l'accesu a una amplia ufierta financiera con requisitos más aparentes que los del mercáu. Ente los productos más curiosos que pueden contratar figuren préstamos pal desenvolvimientu de la internacionalización, llinies de comerciu esterior, pólices de creitu pa necesidaes de circulante y anticipos de subvenciones.

Abanca tamién va poner a disposición de les firmes personal especializáu en xestión de seguros, que se va encargar d'informar a los veceros sobre les pólices que meyor s'adapten a les sos necesidaes.

La firma d'esti conveniu, a la que tamién asistió la directora xeneral de Asturex, Teresa Vigón, refuerza los llazos ente dambes instituciones y el sofitu al empresariáu asturianu nes sos estratexes d'accesu a nuevos mercaos.

Asturex ye una sociedá de sofitu a la internacionalización que facilita a les empreses del Principáu una mayor presencia nos mercaos internacionales. Pela so parte, Abanca ye la entidá financiera de referencia nel noroeste español, con una rede de casi 700 oficines y una clara orientación escontra'l texíu empresarial.

 

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies