Gobiernu del Principau d'Asturies

Asturies, muncho más cerca

Tas en

Asturias.es Temes Vivienda Ayudes El Principáu abre'l plazu de solicitú para les 40 viviendes ...
 

Ayudes

El Principáu abre'l plazu de solicitú para les 40 viviendes públiques d'arriendu que se constrúin n'El Campón

El Bopa publica güei los requisitos para optar a los pisos, que tienen executaes les sos obres al 33% y van rematar a principios de seronda. Les persones interesaes van poder presentar les solicitúes nel Conceyu d'Uviéu hasta'l 30 d'abril

29/03/2019

El Boletín Oficial del Principáu (Bopa) publica güei la resolución pola que se convoca l'axudicación de les 40 viviendes públiques en réxime d'arriendu, promovíes pol Gobiernu d'Asturies n'El Campón, n'Uviéu. Les persones interesaes van poder revisar yá les condiciones esixíes y presentar la so solicitú nel Conceyu nos próximos 20 díes hábiles; esto ye, hasta'l 30 d'abril.

La conseyera de Servicios y Derechos Sociales, Pilar Varela, y l'alcalde d'Uviéu, Wenceslao López, informaron esta mañana de la convocatoria, na que, a propuesta municipal, toles viviendes acútense pa colectivos preferentes. Asina, 9 pisos van destinase a mozos de 18 a 35 años, 7 a families monoparentales, 3 a víctimes de violencia de xéneru y otres 3 a persones afectaes por execuciones hipotecaries. Coles mesmes, 2 pisos van destinaos a persones con movilidá amenorgada y unu a mayores de 65 años. Nes 15 viviendes restantes van tener prioridá les families con menos recursos. En concreto, 10 van axudicase a unidaes familiares con ingresos d'hasta una vez l'Indicador Públicu de Renta d'Efectos Múltiples (Iprem), 4 a aquelles qu'ingresen ente 1 y 2 vegaes el Iprem y la restante, a llares que perciben ente 2 y 3 veces el Iprem.

Anque les obres de construcción tán executaes nun 33% y van concluyir a principios de seronda, según el plan d'obra, la convocatoria realízase agora col fin d'acompasar el fin de los trabayos cola tramitación alministrativa qu'esixe l'axudicación de pisos públicos.

Ón esti añu de 1.524 viviendes n'Uviéu, de les que solo una ta vacía y pendiente d'arreglu.

Les obres que ta executando la empresa Sedes, con un presupuestu de 2.455.830 euros, inclúin la execución de 40 viviendes con garaxe y trasteru nuna parcela de 2.260 metros cuadraos vencida pol Conceyu. En total, van construyise 4.763 metros cuadraos.

van llevantase dos bloques en forma de L, distribuyíos en baxu y dos o trés altores, con 20 pisos en cada unu: 19 d'un cuartu, 14 de dos y 5 de trés, más dos viviendes adaptaes. Nel suétanu allugaránse los garaxes, trasteros y una sala centralizada d'instalaciones. Amás, los edificios van cuntar con caldera de condensación de gas ya instalación de paneles solares en cubierta.

Nel esterior, la parte baxa de la fachada va tener un revestimiento de piedra caliar en tonu gris escuru, ente que'l restu de les plantes van cubrir con lladriyu cara vista de color blancu.

 

Información sobre el documento

© Copyright 2006. Gobiernu del Principau d'Asturies