Gobiernu del Principau d'Asturies

Asturies, muncho más cerca

Tas en

Asturias.es Educación cerró la negociación de les plantiyes con un ...
 

Aniciu

Educación cerró la negociación de les plantiyes con un incrementu de 56 places de profesoráu, hasta les 9.238

El Gobiernu d’Asturies garantiza que, al marxen de la plantiya básica, tolos centros educativos van cuntar col personal docente que seya mester o el próximu cursu escolar

11/02/2019

La Conseyería pal cursu 2019-2020 coles organizaciones sindicales representaes na mesa sectorial. El Gobiernu d'Asturies presentó una propuesta de 9.238 places, lo qu'implica una medra de 56 respectu al añu pasáu.

La directora xeneral de Personal Docente, Eva Ledo, dixo que, al marxe d'esta plantiya básica, tolos centros públicos van cuntar col personal que seya mester pa atender les demandes del sistema educativu'l próximu cursu escolar, cuidao que a estos docentes sumaráse'l personal funcionario de carrera ya interín que resulte oportunu, en conociéndose los datos reales de matrícula.

El Principáu realizó un trabayu previu de planificación coles direcciones de los centros pa determinar les necesidaes reales de personal. Amás, pa ellaborar la so propuesta, tomó en consideración les estimaciones actuales sobre la matrícula pal cursu 2019-2020 y los alcuerdos sindicales.

Per otra parte, Ledo aseguró que van entamar llueu los trámites pa la constitución de los grupos de trabayu a los que se fai referencia nel alcuerdu de la mesa sectorial de negociación de personal docente sobre la xornada de profesoráu y l'impulsu d'otres midíes pa la meyora de les sos condiciones llaborales, robláu'l 28 de payares de 2018.

 

Información sobre el documento

© Copyright 2006. Gobiernu del Principau d'Asturies