Gobiernu del Principau d'Asturies

Asturies, muncho más cerca

Tas en

Asturias.es Usuarios del serviciu de Salú Mental esponen nel HUCA una ...
 

Aniciu

Usuarios del serviciu de Salú Mental esponen nel HUCA una muestra fotográfica sobre la prevención del suicidiu

Los propios pacientes van esplicar mañana’l so trabayu, formáu por 28 imáxenes, pola mor del Día Mundial de la Salú Mental. La muestra Conecta cola vida va poder visitase, hasta’l día 20, nel área de consultes esternes del hospital

09/10/2019

Pacientes del taller de fotografía del Centru de Rehabilitación Psicosocial de San Llázaro crearon la muestra Conecta cola vida, formada por una partida d’imáxenes sobre la prevención del suicidiu que se van esponer a partir de mañana y hasta’l día 20 na zona central del nivel -1 de consultes esternes del Hospital Universitariu Central d’Asturies (HUCA), un espaciu pel que pasen a diario alredor de 5.000 persones.

Los mesmos usuarios, encargaos tamién de xestionar el taller fotográficu, son los promotores d’esta iniciativa, entamada en collaboración col área de xestión clínica de Salú Mental del área sanitaria IV (Uviéu). Mañana, a les 12:00 hores, van inaugurar la muestra, formada por 28 semeyes, y van esplicar el so trabayu, coincidiendo col Día Mundial de la Salú Mental, que se celebra col lema Prevenir el suicidiu ye posible.

La esposición busca un diálogu col públicu sobre la enfermedá mental y intenta sensibilizar a la ciudadanía al traviés de les imáxenes. Estrémase en dos series: Puntu y coma y Gaman, qu’incluyen semeyes de pacientes y profesionales de Salú Mental.

Les semeyes de la primer serie, en blanco y negro, tresmiten la desesperanza, pero tamién el determín de siguir alantre. Pela so parte, la segunda serie, onde predomina’l color, céntrase na determinación pa encarar les torgues de la vida.

Información sobre el documento

© Copyright 2006. Gobiernu del Principau d'Asturies