Gobiernu del Principau d'Asturies

Asturies, muncho más cerca

Tas en

Asturias.es Temes Medios de comunicación Educación convoca subvenciones para promocionar el uso del ...
 

Medios de comunicación

Educación convoca subvenciones para promocionar el uso del asturiano y el gallego-asturiano en la música y los medios

Las empresas de comunicación y fonográficas podrán presentar sus solicitudes hasta el 10 de junio

13/05/2019

La Conseyería d’Educación y Cultura publicó güei nel Boletín Oficial del Principáu d’Asturies (BOPA) la convocatoria de dos llinies de subvención pa la normalización social del asturianu y del gallego-asturianu nel 2019 a la que puen acoyese empreses de comunicación y fonográfiques.

La finalidá de les subvenciones a medios de comunicación ye ayudar a la normalización y dignificación del usu social de la llingua con espacios informativos onde s’usen l’asturianu o’l gallego-asturianu. Puen presentase proyectos tanto de publicaciones en papel como de radio, televisión o internet. La dotación total d’esta llinia ye de 100.000 euros, con un aumentu de 10.000 euros al respective del añu anterior.

La llinia dedicada a la promoción de la música n’asturianu y gallego-asturianu, dotada con 20.000 euros, ta dirixida a empreses discográfiques y busca aumentar la presencia de la música asturiana na sociedá y el so pesu como elementu normalizador.

El plazu pa presentar proyectos acaba’l 10 de xunu del 2019. D’equí a poco van convocase cola mesma finalidá subvenciones a la edición y a entidaes locales.

 

Información sobre el documento

© Copyright 2006. Gobiernu del Principau d'Asturies