Gobiernu del Principau d'Asturies

Asturies, muncho más cerca

Tas en

Asturias.es Temes Educación Centros educativos ya Instituciones El Principáu va proponer al empresariu asturmexicanu Juan ...
 

Centros educativos ya Instituciones

El Principáu va proponer al empresariu asturmexicanu Juan Antonio Pérez Simón como presidente del Conseyu Social de la Universidá d’Uviéu

El Gobiernu d’Asturies aprobó la renovación de representantes nel órganu universitariu

07/12/2019

El Principáu aprobó la renovación del Conseyu Social de la Universidá d’Uviéu col nomamientu de los miembros designaos pol Conseyu de Gobiernu, la Xunta Xeneral del Principáu y la Federación Asturiana de Conceyos. El decretu cola composición actualizada va publicase’l martes nel Boletín Oficial del Principáu (Bopa) y desque tomen posesión los integrantes nuevos, va procedese al nomamientu del presidente, un cargu pal que’l conseyeru de Ciencia, Innovación y Universidá, Borja Sánchez, va proponer al empresariu asturmexicanu y coleccionista d’arte Juan Antonio Pérez Simón.

Xunto a Simón, los representantes nuevos que van asumir les vocalíes que taben pendientes de designación pol Executivu son el subdirector xeneral del Grupu Banco Sabadell, Pablo Gerardo Junceda; la presidenta del Conseyu de Comunidaes Asturianes, Paz Fernández Felgueroso, y la secretaria d’Educación, Universidaes y Política Llingüística de la Federación Socialista Asturiana y doctora en Pedagoxía, Mari Luz Pontón.

Amás, procedióse al nomamientu de los cuatro representantes de la Xunta Xeneral del Principáu nel Conseyu Social: Ramón Álvarez Bello, María Jesús Martín González, Isidro Fernández Rozada y Marta María Fernández Álvarez; de la vocal de la Federación Asturiana de Conceyos, l’alcaldesa de Xixón, Ana González, en representación de los conceyos con campus universitarios, y de los miembros natos del Principáu nel órganu universitariu: la directora xeneral d’Universidá, Cristina González Morán, y la interventora xeneral, Ana Masa Timón, como responsable del área d’Economía.

Cola aprobación de los nuevos nomamientos produzse’l cese del hasta agora presidente del Conseyu Social, Ladislao Azcona, y del secretariu, Ignacio Villaverde. Desque s’axunte’l Conseyu Social nuevu en plenu, el so presidente nuevu va ser l’encargáu de nomar a la persona qu’ocupe la secretaría.

El Conseyu Social ye l’órganu que regula la participación de la sociedá asturiana na Universidá y un elementu clave na rellación ente’l gobiernu universitariu y el Principáu d’Asturies. Ente otres cuestiones, correspuénde-y aprobar los presupuestos de la institución académica, supervisar los servicios y actividaes de calter económicu y aprobar la implantación o supresión tanto de titulaciones como de centros universitarios.

Información sobre el documento

© Copyright 2006. Gobiernu del Principau d'Asturies