Gobierno del Principado de Asturias

Asturias, mucho más cerca

Estás en

Aniciu Pa tí Mocedá L’Institutu de la Mocedá organiza un conciertu pa escoyer al ...
 

Mocedá

L’Institutu de la Mocedá organiza un conciertu pa escoyer al ganador del Concursu de Maquetes Pop-Rock 2019

Los cuatro finalistes son los grupos Pico, Indocentes y Lyla & Javi, y la cantautora Noelia Veira. Cada ún d'ellos va disponer d'una actuación de 25 minutos en directo na sala Tribeca d'Uviéu

12/12/2019

La sala Tribeca Live d'Uviéu va acoyer mañana, a partir de les 20:30 hores, un conciertu entamáu pol Institutu Asturianu de la Mocedá y 40 Principales Asturies pa escoyer al grupu o solista ganador del Concursu de Maquetes Pop-Rock 2019. Al eventu, que la so entrada ye llibre y gratuita, va asistir la directora del Institutu, Clara Sierra.

Los cuatro finalistes del concursu son los grupos Pico, Indocentes y Lyla & Javi, y la cantautora Noelia Veira. Cada unu d'ellos va disponer de 25 minutos p’ actuar en directo y el ganador va grabar un CD cola compañía discográfica asturiana que nel so momentu determine, amás de realizar una xira de presentación.

Pico ye un proyectu nuevu que naz de la composición (lletra y música) de Juan Ignacio País. Trátase del primer emprendimienu musical d'esti compositor y cantante nacíu en Montevideo (Uruguai), nel senu d'una familia emigrante y que dende fai más de diez años mora n'Asturies. Picu ye un proyectu con cinco integrantes: pianu y teclaos, Diego Ena; guitarra acústica y eléctrica, Manu Aparicio; batería, Guillermo Barrera; baxu, Asier Gaspón y guitarra eléctrica, acústica y voz principal Juan Pico.

Indocentes ye una banda formada por Andrés González Arias, Manuel de la Roz Sánchez, Laura Estrada González y Iris Martínez Cendón.

Lyla y Javi son un dúo formáu en 2017, que los sos cantares beben de los clásicos del rock y el pop de los últimos tiempos, incluyendo amás temes propies con guiños a la dómina dorada del blues y de la música country. Lyla Swam empecipió la so andadura musical en bandes locales como Bitter Decibelles, pa depués decantase por esplotar la so faceta solista al traviés de la ellaboración de temes propos como Júpiter o Color Anís. Javi Monge ye guitarrista en Baxa California, banda de rock d'Uviéu. El dúo estrenó apocayá'l so nuevu senciellu Contigo.

Noelia Veira ye cantautora y guitarrista. Empezó a componer en 2009 y nel 2012 dio dellos conciertos en Xixón. A finales del 2013, de la mano del flauteru Gonzalo Llao, empezó un proyectu denomináu Vientu del Norte, un dúo folk-acústicu que quedó finalista nel I Concursu de Música de la Universidá d'Uviéu en 2014.Tres el so pasu per Finlandia, empezó a collaborar cola empresa Cúntame un cuentu; una de les sos actuaciones más relevantes foi la so participación nos actos entamaos con motivu del 25N (2018). Yá en 2019 ganó la XVII edición del Concursu de Música en Directu convocáu por Abiertu hasta l'Amanecer.

Información sobre el documento

© Copyright 2006. Gobierno del Principado de Asturias