Gobierno del Principado de Asturias

Asturias, mucho más cerca

Estás en

Aniciu Pa tí Emigrantes Emigrantes El Gobiernu d'Asturies aprueba 18 ayudes nueves al regresu por ...
 

Emigrantes

El Gobiernu d'Asturies aprueba 18 ayudes nueves al regresu por importe de 30.200 euros

El Principáu concedió sofitu económicu anguaño a 57 emigrantes o descendientes por un valor de 91. 300 euros, la cuantía más alta del llustru últimu

15/12/2018

El Gobiernu d'Asturies autorizó esta selmana la concesión de 18 ayudes nueves al regresu por importe de 30.200 euros pa emigrantes y descendientes que decidieron tornar o afitar la so residencia nel Principáu. Trátase del quintu espediente tramitáu anguaño nesti ámbitu por razones d'interés social y humanitariu, cola mira d'ufiertar respaldu a persones que tean nuna situación de precariedá, non solamente económica, sinón tamién llaboral y social.

Nesti casu, les subvenciones concediéronse a nueve muyeres y nueve homes con edaes que van ente los 24 y los 86 años. Seis de los beneficiarios nacieron n'Asturies y el restu son descendientes d'emigrantes.

Amás, caltiénse l'enclín de los años últimos na procedencia de los emigrantes retornaos y descendientes, con trelce subvenciones concedíes a persones que residíen en Venezuela, el 72 % de les aprobaes. Les otres cinco destináronse a ciudadanos procedentes de Brasil, México, Arxentina y Cuba.

Anguaño, el Gobiernu d'Asturies autorizó ayudes directes a 57 emigrantes retornaos o descendientes por un total de 91.300 euros, la cifra más alta dende’l 2014 y superior inclusive a la del exerciciu pasáu, cuando se marcó un récord nes subvenciones aprobaes.

Los apoyos al regresu crecieron pasu ente pasu pa facer frente a les necesidaes de los emigrantes que quieren tornar a Asturies. Asina, la partida inicial pal 2018 xubía a 40.000 euros, pero finalmente concediéronse ayudes por un valor de 91.300. Por esta razón, nel proyectu de presupuestos pal 2019 el conseñamientu inicial xube hasta los 88.000 euros, un 120 % percima de la establecida nes cuentes prorrogaes, en previsión de que se caltengan les solicitúes.

 

Información sobre el documento

© Copyright 2006. Gobierno del Principado de Asturias