Gobiernu del Principau d'Asturies

Asturies, muncho más cerca

Tas en

Asturias.es Persones entamadores Crear una empresa El pebidal de la Escuela d'Entamadores d'Asturies impulsó la ...
 

Crear una empresa

El pebidal de la Escuela d'Entamadores d'Asturies impulsó la creación de 28 proyectos nos seis primeros meses del 2019

El centru atendió a 61 usuaries nueves y fueron once les muyeres que crearon el so propiu empléu

24/07/2019

Les iniciatives empresariales empecipiaes nel pebidal de proyectos de la Escuela d'Entamadores y Empresaries d'Asturies xubieron a 28 mientres los seis primeros meses del añu. Amás, nueve proyectos empresariales dieron los primeros pasos de la so actividá, nos que la figura más utilizada foi la d'empresaria individual. En total, fueron once les muyeres que crearon el so propiu empléu. Asina mesmo, nel marcu de la so actividá ordinaria, la escuela atendió de manera presencial a 61 usuaries nueves, de les que 31 buscaben información sobre proyectos.

La comisión de siguimientu de la Escuela d'Entamadores Estos datos analizó güei estos datos mientres una xunta caltenida n'Avilés pa realizar un balance de l'actividá llevada a cabu de xineru a xunu y la meyora de les midíes previstes pal restu del añu.

Ente les acciones realizaes nestos seis meses, destaca'l programa Clinic Mujer Emprenda, una iniciativa pionera que s'enmarca nel Pactu d'Estáu contra Violencia de Xéneru, que busca la capacitación empresarial de muyeres, sobre manera víctimes de violencia machista. Al amparu d'esti programa impartieron cien hores de formación intensiva presencial, que se complementaron con un siguimientu individualizáu de los proyectos mientres seis meses.

Tamién siguieron los cursos de Formación pa la Creación Empresarial, con una duración de 60 hores, a les que, como novedá, añediéronse anguaño diez hores de mentorinng. En xunto, 38 muyeres completaron dambes formaciones.

El centru entamó dos foros empresariales de los cuatro previstos p'anguaño, sobre Novedades para personas autónomas y pymes en 2019 y Claves en materia de igualdad para una mejor competitividad empresarial. Tamién s'impartieron diez actividaes de formación y/o sensibilización en materia d'igualdá, nes que participaron más de 400 persones. De la mesma, la escuela participó en 18 actividaes entamaes por otres entidaes, rellacionaes cola igualdá, l’entamamientu, l'empléu y la empresa.

En materia d'implantación de midíes d'igualdá nes empreses, emprestóse información a cinco negocios y llevóse a cabu la segunda fase del Programa de Formación n'Igualdá y Negociación colectiva, en collaboración con UXT y CC. OO., nel marcu de la Estratexa Asturiana contra la Fienda Salarial y pola Igualdá Efectiva nel Trabayu, con un total de 40 cuadros sindicales.

Nel segundu semestre del añu, el centru va impartir trés cursos, dos empobinaos a la formación d'empreses y unu pal so afitamientu. Los cursos tamién se van dirixir a compañíes y representantes sindicales en materia d'igualdá, negociación colectiva, violencia de xéneru y prevención de riesgos llaborales con perspectiva de xéneru. Dientro de les acciones al amparu del Pactu contra la Violencia de Xéneru va impulsase la formación del personal técnico de centros d'empreses, axencies de desenvolvimientu local, axentes d'Igualdá y personal técnico de grupos de desenvolvimientu local d'Asturies pa encarar la necesidá d'integrar la perspectiva de xéneru na atención a muyeres entamadores y víctimes de violencia.

Amás, van realizase dos foros centraos na necesidá de realizar orientación llaboral llibre d'estereotipos de xéneru en centros d'educación y otru sobre mediu rural, demografía y la importancia de les muyeres como factor d'enraigonamientu y asentamientu de la población.

Na xunta celebrada güei participaron la directora del Institutu Asturianu de la Muyer, Almudena Cueto; la directora xeneral d'Innovación y Emprendimientu, Ana Concejo, el director de la Fundación pal Fomentu de la Economía Social, Edmundo Pérez, y la coordinadora de la escuela, Florentina Álvarez.

 

Información sobre el documento

© Copyright 2006. Gobiernu del Principau d'Asturies