Gobierno del Principado de Asturias

Asturias, mucho más cerca

Estás en

Aniciu El Gobiernu d’Asturies concedió a la Universidá d’Uviéu ente ...
 

Aniciu

El Gobiernu d’Asturies concedió a la Universidá d’Uviéu ente 2012 y 2016 casi’l triple d’ayudes predoctorales que l’Estáu

La Conseyería d’Educación y Cultura otorgó un total de 190 subvenciones, frente a las 69 del Gobiernu de Mariano Rajoy

19/03/2017

La Conseyería d'Educación y Cultura concedió ente 2012 y 2016 a la Universidá d'Uviéu un númberu d'ayudes predoctorales que casi triplica a les concedíes pol Ministeriu d'Educación, Cultura y Deporte dende 2012.

La publicación de la propuesta de resolución provisional de concesión de les ayudes correspondiente a la convocatoria del programa d'ayudes predoctorales Severo Ochoa del añu 2016 pon de manifiestu la continuidá del compromisu del Gobiernu del Principáu d'Asturies cola formación de personal investigador, a pesar de que la incorporación tardía del nuevu equipu de gobiernu y diversos cambeos xurídicos fixeron imposible la publicación d'una convocatoria en 2015.

Esti compromisu refléxase nel caltenimientu del númberu d'ayudes predoctorales concedíes dende 2012, que supera llargamente les que foi asignando'l Ministeriu d'Educación, Cultura y Deporte al Principáu d'Asturies.

El Gobiernu de Mariano Rajoy retayó drásticamente el númberu de beques predoctorales en 2013 y, magar recuperó en parte la cifra d'ayudes, nun volvió algamar los niveles de 2012. Ente los años 2012 y 2016, el Ministeriu d'Educación, Cultura y Deporte, nel marcu del Programa de Formación de Profesoráu Universitariu (FPU), equivalente n'oxetivos al Programa autonómicu Severo Ochoa, concedió namás un total de 69 ayudes pa la Universidá d'Uviéu, tando entá pendiente la resolución de la convocatoria de 2016.

Pal mesmu periíodu de tiempu, la Conseyería d'Educación y Cultura, nel marcu del Programa Severo Ochoa, caltuvo la mesma cifra de 45 ayudes en toles convocatories, magar les restricciones derivaes de la crisis económica. El total d'ayudes concedíes dende 2012 foi de 190, incluyendo les 55 ayudes que previsiblemente van axudicase definitivamente en feches próximes y que correspuenden a la convocatoria del añu 2016.

Información sobre el documento

© Copyright 2006. Gobierno del Principado de Asturias