Gobiernu del Principau d'Asturies

Asturies, muncho más cerca

Tas en

Asturias.es El Gobiernu d'Asturies saca a consulta pública l'anteproyectu de ...
 

Aniciu

El Gobiernu d'Asturies saca a consulta pública l'anteproyectu de la nueva Llei de Servicios Sociales

- La norma, que yá cuntó coles aportaciones de más de 500 profesionales del sector, garantiza la viabilidá del sistema asturianu de protección

12/11/2019

El Gobiernu d'Asturies sacó a consulta pública l'anteproyectu de la nueva Llei de Servicios Sociales del Principáu, que busca definir un marcu estructuráu pa la ordenación, organización y el desenvolvimientu del sistema autonómicu de protección social.

Cualquier persona interesada va poder facer llegar les sos opiniones, hasta'l 30 de payares, al traviés de la páxina web www.asturiasparticipa.es. Esta fase de consulta pública da continuidá al procesu participativu celebráu en mayu d'esti añu y gracies al que más de 500 profesionales d'esti ámbitu realizaron aportaciones para ellaborar el documentu de bases. Esti testu va sirvir como exa articuladora del borrador del anteproyectu de llei nel que trabaya la Conseyería de Derechos Sociales y Bienestar del Principáu.

La directora xeneral de Planificación, Ordenación y Adaptación al Cambéu Social, Jimena Pascual, destacó qu'esta llei, que va sustituyir a l'anterior de 2003, “va permitir garantizar exercer el derechu suxetivu a los servicios sociales nel ámbitu territorial asturianu, teniendo en cuenta la necesidá d'adaptar el sistema al cambéu social col fin de garantizar la so viabilidá”.

Información sobre el documento

© Copyright 2006. Gobiernu del Principau d'Asturies