Gobiernu del Principau d'Asturies

Asturies, muncho más cerca

Tas en

Asturias.es Temes Consumu Trés trabayos sobro xuguetes, artículos deportivos y ...
 

Consumu

Trés trabayos sobro xuguetes, artículos deportivos y electrodomésticos van representar al Principáu na fase nacional del concursu escolar Consumópolis

Los equipos Los dedos, Gamefighters y Netsurfers, de Salas y Piloña, ganen el certame sobre consumu celebráu n’Asturies. Los conseyeros de Sanidá y Educación destaquen el nivel de les propuestes presentaes durante l’actu d’entrega de premios

De izqda. a dcha.: el director general de Ordenación Académica e Innovación Educativa, Francisco Laviana; los consejero de Sanidad, Francisco del Busto, y de Educación y Cultura, Genaro Alonso, y la directora de la Agencia de Sanidad Ambiental y Consumo, Rosa Urdiales

23/05/2019

Los equipos Los dedos, Gamefighters y Netsurfers resultaron ganadores de la XIV edición del concurso escolar Consumópolis con trabayos sobre xuguetes, artículos deportivos y electrodomésticos y van ser los encargaos de representar al Principáu, caún na so categoría, na fase nacional promovida pola Dirección Xeneral de Consumu del Ministeriu de Sanidá, Consumu y Bienestar Social.

Los conseyeros de Sanidá, Francisco del Bustou, y d'Educación y Cultura, Genaro Alonso, destacaron el nivel de les propuestes presentaes nel actu d'entrega de premios, al qu'asistieron tamién el director xeneral d'Ordenación Académica ya Innovación Educativa, Francisco Laviana, y la directora de l'Axencia de Sanidá Ambiental y Consumu, Rosa Urdiales.

Esta iniciativa quier que la sociedá tea meyor informada y más cualificada a la hora de consumir y convida a que la ciudadanía se plantegue, de forma crítica y solidaria, distintos aspectos rellacionaos col consumu responsable. Sol lema Por tu seguridad: ¿sabes lo que consumes?, nesta ocasión animóse al alumnáu a cavilgar sobre la seguridá de los productos.

El desenvolvimientu del concursu constó de dos fases. Na primera, cada equipu, formáu por cinco miembros, tenía de realizar un percorríu pela ciudá virtual del consumu responsable, Consumópolis, y resolver diverses pruebes de calter pedagóxicu y lúdicu, según la categoría.

La segunda parte céntrase na ellaboración d'un trabayu n'equipu. Los grupos teníen de diseñar, ellaborar y presentar el prototipu o maqueta d'un productu novedosu y orixinal inspiráu nel lema.

Los premios de la convocatoria autonómica consisten en 600 euros pa cada unu de los equipos ganadores y de 400 pa los clasificaos en segundu llugar. Amás, alumnáu, profesoráu coordinador y centros educativos van recibir un diploma acreditativu.

Los galardones nacionales consisten nun ordenador portátil o tableta pa cada integrante del equipu y la persona docente coordinadora, amás d'un diploma acreditativu. Amás, los colexos de los equipos ganadores van recibir 2.000 euros en metálico y un diploma.



Relación d'equipos premiaos na fase autonómica



Primeros premios

CATEGORÍA EQUIPO CENTRO
5º y 6º d’ Educación Primaria Los dedos CP Cornellana (Salas)
1º y 2º d’ Educación Secundaria Obligatoria Gamefighters IES Infiesto (Piloña)
3º y 4º d’ Educación Secundaria Obligatoria Netsurfers IES Infiesto (Piloña)

 



Segundo premios

CATEGORÍA EQUIPO CENTRO
5º y 6º d’ Educación Primaria Consumo con cinco sentidos CP Cornellana (Salas)
1º y 2º d’Educación Secundaria Obligatoria Pantenne Skuad IES Astures (Siero)
3º y 4º d’ Educación Secundaria Obligatoria Asturlittle IES Noreña (Noreña)

 

   Icono gráfico alusivo al tipo de archivo Audiu (Audiu: 1 Mb) (n'español)

Información sobre el documento

© Copyright 2006. Gobiernu del Principau d'Asturies