Gobiernu del Principau d'Asturies

Asturies, muncho más cerca

Tas en

Asturias.es Asturies amuesa en Madrid Fusión el so potencial como productora ...
 

Aniciu

Asturies amuesa en Madrid Fusión el so potencial como productora quesera de calidá y como destín turísticu gastronómicu

La conseyera de Cultura y la viceconseyera de Turismu participen na clas maxistral impartida por cuatro restauradores del Principáu con Estrella Michelín. Profesionales participantes na gran cita gastronómica manifiesten el so interés pola celebración de los World Cheese Awards 2020 n’Uviéu

La consejera de Educación, Carmen Suárez, el presidente del Consejo Escolar del Principado, Alberto Muñoz, y la secretaria del Consejo, Angélica Álvarez

13/01/2020

Asturies protagonizó güei ún de los actos centrales de Madrid Fusión, el congresu de gastronomía más importante d’España, onde dellos restauradores asturianos con Estrella Michelin presentaron cuatro creaciones con otros tantos quesos asturianos con Denominación d’Orixe Protexida.

L’actividá, col títulu Asturies: Los quesos del Paraísu Natural interpretaos poles sos Estrelles Michelín, enmárcase na presentación del Principáu como destín gastronómicu y sede de los World Cheese Awards 2020 en payares. Esta convocatoria internacional espertó grandes espectatives ente los profesionales asistentes a la cita madrilana, qu’amosaron l’interés por un certame que va convertir Uviéu na capital mundial del quesu.

La conseyera de Cultura, Política Llingüística y Turismu, Berta Piñán, y la viceconseyera de Turismu, Graciela Blanco, asistieron a los primeros actos d’esti congresu celebraos güei, ente ellos, la clas maxistral, que la so asistencia de públicu entrepasó toles previsiones de la organización.

Los protagonistes d’esta demostración foron los cuatro quesos con Denominación d’Orixe Protexida (Cabrales, Gamonéu, Casín y Afuega’l Pitu), integraos na marca Alimentos del Paraísu Natural, que se convirtieron na base pa les creaciones culinaries de cuatro restauradores asturianos de sonadía, toos ellos reconocíos con Estrella Michelín: Isaac Loya (Real Balneario de Salinas) preparó un bombón d’Afuega’l Pitu con mazana; José Antonio Campoviejo (La Corrada del Indiano) presentó Cabrales tostao con sardina afumada; Ricardo Sotres (El Retiro) ellaboró un conu de crema de quesu Casín con mazana acedo y marmiellu, y Jaime Uz (Arbidel) realizó’l so falsu risotto de xampiñón y viña, megollu de coliflor, espárragu y testures de Gamonéu.

La presentación valió tamién p’amosar la redolada natural onde s’ellaboren estos productos, el so procesu artesanu tan singular y los recursos turísticos asociaos a la so producción, como les cueves de maduración y les queseríes.

Al traviés d’esta acción, promovida poles conseyeríes de Cultura, Política Llínguística y Turismu y de Mediu Rural, Agroganadería y Pesca, refuérzase la imaxe d’Asturies como destín turísticu gastronómicu y promociónase la producción quesera asturiana, que cunta na actualidá con más de 50 variedaes d’artesanales.

Información sobre el documento

© Copyright 2006. Gobiernu del Principau d'Asturies