Gobiernu del Principau d'Asturies

Asturies, muncho más cerca

Tas en

Asturias.es Temes Cultura La Sala Borrón exhibe hasta’l 18 d’avientu la esposición ...
 

Cultura

La Sala Borrón exhibe hasta’l 18 d’avientu la esposición Ajardinando, de Andrea Rubio

La muestra forma parte del programa d’Artistes Plásticos Mozos del Principáu d’Asturies

21/10/2020

La Sala Borrón d'Uviéu acueye hasta'l próximu 18 d'avientu la esposición Ajardinando. Sobre plantas salvajes y niñxs de interior, de l'artista mierense Andrea Rubio. La directora xeneral de Mocedá, Clara Sierra, va inaugurar l'amuesa, que forma parte del Programa d’ Artistes Plásticos Mozos del Principáu, mañana, a les 19:30 hores.

La práctica artística de Rubio xira alredor a la idea d'aprendizaxe y a los mecanismos internos y esternos qu'asoceden nel procesu educativu y asina queda reflexáu na obra espuesta, qu'inclúi elementos d'escultura, fotografía ya instalaciones.

N’Ajardinando, esposición comisariada por Cristina Ramos, l'autora reflexona sobre la forma na qu'habitamos los espacios naturales nel ámbitu domésticu y urbanu; en concretu, trata l'usu de xardinos verticales, medianeres y plantes d'interior, colos que diseñamos la naturaleza exerciendo un control absolutu sobre ella.

Al traviés d'entrugues como cuála ye la relación qu'esiste ente la doma de la naturaleza y l'educación que recibimos, qué asocede cuando se riega por demás una planta o qué pasaría si forzamos la crecedera de la grana, la esposición xenera paradoxes y contradicciones.

Andrea Rubio (Mieres, 1990) ye llicenciada en Belles Artes pola Universidá Complutense de Madrid y anguaño remata la so tesis doctoral sobre Artes y Educación na Universidá de Granada. D'esa tesis forma parte Ajardinando. Dende 2015 desenvuelve n'Asturies como educadora artística'l proyectu Lainopia.

Información sobre el documento

© Copyright 2006. Gobiernu del Principau d'Asturies