Gobiernu del Principau d'Asturies

Asturies, muncho más cerca

Tas en

Asturias.es Información de los Conceyos Principáu y Conceyu d'Uviéu roblen l'alcuerdu que va dexar ...
 

Información de los Conceyos

Principáu y Conceyu d'Uviéu roblen l'alcuerdu que va dexar viaxar de baldre n'autobuses urbanos hasta los 12 años

El bonobús infantil ha solicitase na web del ayuntamientu y va ser espedíu pol Consorciu de Tresportes d’Asturies con una validez de cuatro años y un coste de cinco euros

El vicepresidente del Gobierno y consejero de Infraestructuras, Medio Ambiente y Cambio Climático, Juan Cofiño, y el concejal de Urbanismo, Medio Ambiente, Infraestructuras y Distritos del Ayuntamiento de Oviedo, Ignacio Cuesta

06/02/2020

El vicepresidente del Gobiernu y conseyeru d'Infraestructures, Mediu Ambiente y Cambéu Climáticu, Juan Cofiño, y el conceyal d'Urbanismu, Mediu Ambiente, Infraestructures y distritos del Conceyu d'Uviéu, Ignacio Cuesta, roblaron güei l'alcuerdu pa poner en marcha'l bonobús infantil, que va permitir viaxar de baldre nos autobuses urbanos hasta los 12 años.

Esti nuevu bonu diríxese a menores empadronaos n'Uviéu con edaes ente 4 y 12 años, dambes inclusive. El títulu fai posible viaxes ilimitaos na empresa de tresporte urbanu del conceyu y la so vixencia ye de cuatro años.

Cofiño valoró positivamente l'alcuerdu mesmo que “la continuidá de les polítiques de bonificación del usu del tresporte públicu, nesti casu fomentando'l so usu ente los más pequeños y creando, asina, vezos de futuru”.

Les solicitúes van tramitase al traviés de la web del conceyu y tienen de presentales les families o tutores, apurriendo una fotografía recién dixitalizada.

L'usuariu va abonar al solicitar el bonu del menor un preciu únicu de cinco euros, IVA incluyíu, al Consorciu de Tresportes d'Asturies (CTA) por gastos d'emisión y unviu de la tarxeta. El CTA va ser responsable de la so fabricación, personalización, activación y entrega al traviés de corréu certificáu a la casa del solicitante.

A la firma del alcuerdu asistieron tamién el director xeneral de Movilidá y Conectividá, Jorge García, y el director xeneral del CTA, Carlos González.

N'Uviéu son unos 17.000 los menores susceptibles d'utilizar esti títulu. En 2019, 57 d'ellos cuntaben col Abonu Nuevu, col que realizaron 11.411 validaciones nel conceyu.

El diseñu de la tarxeta ye'l siguiente:

Icono gráfico alusivo al tipo de archivo Nota de prensa completa (Pdf: 258 Kb) (n'español)

Icono gráfico alusivo al tipo de archivo Audiu (Audiu: 327 Kb) (n'español)

Información sobre el documento

© Copyright 2006. Gobiernu del Principau d'Asturies