Gobiernu del Principau d'Asturies

Asturies, muncho más cerca

Tas en

Asturias.es El programa Rompiendo distancies de Taramundi recibe un premiu ...
 

Aniciu

El programa Rompiendo distancies de Taramundi recibe un premiu nacional pola so biblioteca móvil

El conceyu asturianu, qu’ufierta esti serviciu dende l’añu 2000, va recibir el gallardón el 19 d’ochobre en Segovia

16/09/2019

El serviciu de biblioteca móvil del programa Rompiendo distancies de Taramundi, xestionáu hasta agora por Trinidá Suárez, nomada apocayá directora xeneral de Servicios Sociales y Mayores, foi reconocíu pola Asociación de Profesionales de Biblioteques Móviles (ACEBLIM). La entidá valoró la función d’esta iniciativa, que se desenvuelve dende l’añu 2000, y la so contribución p’ameyorar la calidá de vida de los mayores y favorecer la participación social.

La entrega del gallardón va facese en Segovia, nel marcu del lX Congresu Nacional de Biblioteques Móviles, que se va celebrar esti 19 d’ochobre.

El serviciu de biblioteca móvil ye una de les actuaciones que se lleven a cabu dientro del programa Rompiendo distancies, que se punxo en marcha nel añu 2000 coles mires de dar más servicios a les árees d’Asturies con población disperso y avieyao, como’l conceyu de Taramundi, onde güei viven 646 persones.

Aparte del serviciu bibliotecariu, el dispositivu móvil aprovecha les sos visites pa difundir les actividaes y servicios qu’engloba’l programa Rompiendo distancies, repartir el boletín informativu del Conceyu, y recoyer opiniones, suxerencies, preguntes y solicitúes empobinaes a distintos servicios municipales.

Rompiendo distancies, promovíu pol Principáu d’Asturies en collaboración colos Conceyos, ufierta orientación y sofitu psicosocial a persones cuidadores de dependientes, impulsa la participación de los mayores nes actividaes comunitaries, ufierta servicios como podoloxía o peluquería en casa y dispensa comida a los usuarios nos sos domicilos, con dietes adaptaes a les sos necesidaes o patoloxíes.

 

Información sobre el documento

© Copyright 2006. Gobiernu del Principau d'Asturies