Gobiernu del Principau d'Asturies

Asturies, muncho más cerca

Tas en

Asturias.es El Principáu enfótase en que l’Institutu Mistu d’Investigación ...
 

Aniciu

El Principáu enfótase en que l’Institutu Mistu d’Investigación en Biodiversidá exerza d’estímulu pal campus de Mieres

La Conseyería de Ciencia, la Universidá d’Uviéu y el CSIC empiecen los trámites pa firmar el conveniu que va regular el centru. A Borja Sánchez paez-y que va potenciar l’actividá investigadora y va valir de nucleu pa captar y retener talentu

De izquierda a derecha, el consejero de Ciencia, Innovación y Universidad, Borja Sánchez; el vicerrector de Investigación, José Ramón Obeso; la jefa del gabinete de Ciencia, Verónica Noval; y la delegada del CSIC en Asturias, Ángeles Gómez Borrego

08/10/2019

El Gobiernu d’Asturies cunta dar un impulsu a l’actividá científica nel campus de Mieres al traviés de la tresformación de la Unidá d’Investigación en Biodiversidá nun institutu mistu de la Universidá d’Uviéu y el Conseyu Superior d’Investigaciones Científiques (CSIC). El conseyeru de Ciencia, Innovación y Universidá, Borja Sánchez, amosó güei’l so enfotu en qu’esti institutu valga d’estímulu pal campus, porque va siguir el modelu d’otres entidaes asemeyaes, como’l Centru d’Investigación en Nanomateriales y Nanotecnoloxía (CINN), cola consiguiente medría de personal investigador y recursos.

El titular de Ciencia reunióse cola delegada del CSIC n’Asturies, Ángeles Gómez Borrego, y col vicerrector d’Investigación de la Universidá d’Uviéu, José Ramón Obeso, pa tratar la firma del conveniu que va tresformar l’actual unidá investigadora n’institutu, y la posibilidá de xubir el financiamientu del Principáu al centru siempre qu’exista disponibilidá presupuestaria. L’alcuerdu que va facer efectivu’l procesu pa que’l centru empiece a operar como Institutu Mistu d’Investigación en Biodiversidá (IMIB) va firmase, previsiblemente, en payares.

“La idea ye qu’esti centru s’espanda nel campus de Mieres, lo que significa más investigadores, más proyectos y más personal en práctiques”, indicó Sánchez.

Anguaño, una ventena d’investigadores desenvuelve’l so trabayu na unidá mista, anque la plantiya podría aumentar con más científicos, pero tamién con estudiantes que desenvuelvan trabayos de fin de grau (TFG) y trabayos de fin de máster (TFM), y mocedá de doctoráu. L’apueste por xubir a rangu d’institutu esta unidá -una actuación anunciada pol ministru de Ciencia, Innovación y Universidaes, Pedro Duque, na so visita a Asturies- supón “potenciar l’actividá conxunta que desenvuelven la Universidá d’Uviéu y el CSIC y va ayudar a captar y retener talentu”, precisó’l conseyeru.

   Icono gráfico alusivo al tipo de archivo Audiu (Audiu: 707 Kb) (n'español)

Información sobre el documento

© Copyright 2006. Gobiernu del Principau d'Asturies