Gobiernu del Principau d'Asturies

Asturies, muncho más cerca

Tas en

Asturias.es Cultura destina 140.000 euros a actuaciones de caltenimientu y ...
 

Aniciu

Cultura destina 140.000 euros a actuaciones de caltenimientu y renovación nos refuxos de monte xestionados pol Principáu

La Dirección Xeneral de Deporte va iguar les instalaciones d’Urriellu, ou de los Cabrones, Vegarredonda y La Vega d’Ariu. La conseyería mánda-y al Ministeriu pa la Transición Ecolóxica un proyectu pa la reconversión enerxética de Brañagallones. LExecutivu publica’l plan director pa la reconstrucción de la estación de Valgrande-Payares, que da prioridá a la creación del mediu mecánicu que va sustituir al telesilla Brañiín

18/11/2020

La Consejería de Cultura, Política Llingüística y Turismo va destinar 139.952 euros a diverses actuaciones de caltenimientu, arreglu y renovación nos refuxos de monte d’Urriellu, Ḥou de los Cabrones, Vegarredonda y Vega d'Ariu. La conseyera de Cultura, Berta Piñán, caltuvo güei una xunta con guardeses d'estos equipamientos dependientes del Principáu para informalos de que les obres yá tán axudicaes y de que yá se tán llevando a cabu los llabores de loxística previos a les intervenciones.

Nel refuxu de La Vega d’Urriellu, con una inversión de 48.397 euros, van realizase actuaciones de caltenimientu, renovación de revestimientos, aseos y moblame de cocina, y va construyise una plataforma metálica para la salida y llegada d'helicópteros. Tamién se van camudar les lluces de la instalación a LED.

Con un presupuestu de 21.759 euros, en H.ou de los Cabrones van instalase nuevos paneles solares na cubierta, que se va impermiabilizar con membrana de cauchu; van revistise los bancos de piedra esteriores; van anovase pavimentos, y va sustituyise la señalización de la zona d'aterrizaxe d'helicópteros. Tamién se va camudar les lluces a LED.

En La Vega d'Ariu van renovar toles carpinteríes esteriores y los pavimentos, va instalase una puerta nueva d'accesu y, como nel restu de los refuxos, van asitiase postigos de madera, con una inversión de 21.396 euros.

A Vegarredonda van destinase 48.400 euros para reteyar la cubierta actual, sustituyir les carpinteríes esteriores, camudar el pavimentu ya impermiabilizar el techu del antiguu refuxu, amás de señalizar la zona d'aterrizaxe d'helicópteros.

Piñán tamién treslladó a los responsables de los refuxos que’l so departamentu unvió al Ministeriu de Transición Ecolóxica y el Retu Demográficu un proyectu de reconversión enerxética pal refuxu de Brañagallones, col fin d'estudiar la posibilidá de llograr financiación por aciu los convenios de transición xusta. El proyectu tien como oxetu que l'equipamientu llegue al autoconsumu por aciu l'usu d'enerxíes anovables, nun pasu más p’hacia la so reconversión nun modelu d'instalación deportiva de monte que sirva d'epicentru del desenvolvimientu sostenible na zona y promueva el turismu verde.



Plan director de Valgrande-Payares

Per otru llau, Cultura fizo públicu güei, al traviés de la webwww.deporteasturiano.org , el plan director de la estación d’iviernu de Valgrande-Payares, redactáu n'abril. L'oxetivu del documentu ye afitar les orientaciones p’ameyorar el dominiu esquiaderu, determinando la localización y característiques de les obres necesaries. Esto va dexar devolver la capacidá competitiva a los servicios deportivu y turísticu del equipamientu, tanto d’iviernu como de branu, coles mires de desestacionalizar la programación.

Xuntu col estudiu d'impactu económicu de la estación na so zona d'influencia, ellaboráu pola Cámara de Comerciu d'Uviéu, esti plan ye ún de los documentos fundamentales del proyectu de reconstrucción de la estación ḷḷeniza, que consiguió 10 millones de financiación de los fondos mineros, lo que va dexar empecipiar les principales inversiones l’añu que vien.

Estructuráu en distintes fases, el documentu constitúi la base sobre la que se tán perfilando les intervenciones. Treslladóse a numberoses empreses del sector pa que realicen propuestes, lo qu'apurrió información importante qu'agora se ta analizando.

Amás d'incluyir actuaciones fundamentales como la sustitución del telesilla Brañiḷḷín y la construcción del mediu mecánicu principal Cuitu Nigru, y l’habilitación de medios nuevos y meyores en seguridá y accesibilidá, el plan recueye tamién una enumeración de les actividaes que van poder desenvolvese en Valgrande-Payares, que van aumentar notablemente en númberu conforme'l proyectu vaiga executándose.

Información sobre el documento

© Copyright 2006. Gobiernu del Principau d'Asturies