Gobiernu del Principau d'Asturies

Asturies, muncho más cerca

Tas en

Asturias.es Temes Vivienda Información adicional El Principáu destina 71.500 euros a la meyora de trece viviendes ...
 

Información adicional

El Principáu destina 71.500 euros a la meyora de trece viviendes públiques de Sariegu p’atayar problemes de mugores

El proyectu de presupuestos de 2020 cunta con 7,6 millones pal caltenimientu del parque públicu de pisos

19/12/2019

El Principáu invirtió 71.527 euros, de los que 68.853 correspuenden a execución de la obra y 2.674 a llicencies municipales, na actuación de meyora de trece pisos públicos en Vega de Sariegu. El director xeneral de Vivienda, Fermín Bravo, visitó esta mañana, xunto al alcalde de Sariegu, Saúl Bastián, el final de los trabayos.

La obra, que dispunxo d'un plazu d'execución de dos meses, contempló distintes meyores nel interior de les viviendes, na cubierta y nes fachaes pa solucionar problemes de mugores.

Les filtraciones superiores solucionáronse mediante la revisión de la texa cerámica de la cubierta y la llimpieza y arreglu de los canalones. Tocantes a los mugores inferiores, al llau de la puerta d'entrada a los edificios, picáronse los enfoscaos y cargáronse nuevamente con un llucíu de yelsu. Pela so parte, les fachaes llimpiáronse y tascáronse pa esaniciar la pintura vieya, aplicándose una solución fijadora de residuos pa, finalmente, aplicar dos capes d'una pintura plástica acrílica llisa.

Fermín Bravo destacó'l compromisu del Gobiernu d'Asturies col caltenimientu del parque de vivienda pública, lo que se concreta na medría, nun 23 %, de la partida destinada al caltenimientu del parque públicu de viviendes que recueye'l proyectu de presupuestos de la Conseyería de Derechos Sociales y Bienestar pal 2020. En xunto, esta partida va xubir a 7,6 millones, que prevén invertise en 2.550 viviendes públiques, de les que 550 van ser vacantes pa una axudicación nueva y 2.000 van ser ocupaes por arrendatarios.

Información sobre el documento

© Copyright 2006. Gobiernu del Principau d'Asturies