Gobiernu del Principau d'Asturies

Asturies, muncho más cerca

Tas en

Asturias.es Temes Infraestructures y territoriu El Principáu invierte 1.132.305 euros na reparación del tramu ...
 

Infraestructures y territoriu

El Principáu invierte 1.132.305 euros na reparación del tramu Fonduveigas-El Puertu Zarréu, del corredor del Narcea

La Conseyería d’Infraestructuras destina anguaño 310. 000 euros a la igua de Fonduveigas-El Rañadoiru, incluyíu nel proyectu que se ta redactando p’ameyorar el trazáu hasta L. larón, con un presupuestu de llicitación global de 1,3 millones. El vicepresidente y titular del departamentu, Juan Cofiño, visita les obres del vial, a puntu de rematar

d'esquierda a derecha, el vicepresidente del Gobiernu y conseyeru d'Infraestructures, Mediu Ambiente y Cambéu Climáticu, Juan Cofiño; l'alcalde de Degaña, Óscar Ancares; la conceyala Ana Menéndez Mosalve; la directora xeneral d'Infraestructures, Esther Díaz, y el conceyal Luciano Villanueva Monteserín, na reunión tenida na Casa Conceyu

09/01/2020

El Gobiernu del Principáu invirtió 1.132.305 euros nel arreglu del tramu Fonduveigas-El Puertu Zarréu, nel conceyu de Degaña, que forma parte del llamáu corredor del Narcea, exa principal de comunicación del centru d’Asturies colos conceyos del suroeste.

El vicepresidente del Gobiernu y conseyeru d’Infraestructures, Mediu Ambiente y Cambéu Climáticu, Juan Cofiño, visitó güei les obres d’esti trazáu, que tán a puntu de concluyir a falta de la instalación de la barrera de seguranza metálica y dellos remates. Tuvo acompañáu pola directora xeneral d’Infraestructures, Esther Díaz.

Los trabayos, qu’afectaron a 16,7 quilómetros, consistieron na llimpieza xeneral del tramu, saniáu del firme en dellos puntos, fresáu y rehabilitación superficial del pavimentu con una capa de rodadura de cuatro centímetros d’espesura y reposición de marques viales.

Cofiño destacó que, con esta actuación, Infraestructures aumenta la seguranza y comodidá de los usuarios d’esta carretera (AS-15), que xunta Corniana y El Puertu Zarréu, al iguase les estroces provocaes pol tráficu tan alto de vehículos pesaos pal tresporte del carbón, nuna zona d’actividá minera intensa.

Amás, el vicepresidente recordó que’l so departamentu destina 310.000 euros nos presupuestos d’anguaño pal arreglu del tramu ente Fonduveiga y El Rañadoiru.

Aparte, Cofiñu señaló qu’esti tramu forma parte del proyectu que se ta redactando pal arreglu del firme del vial que xunta L.larón y Fonduveigas, tamién nel corredor del Narcea, lo mesmo que de les travesíes de Soutu, Chanu, Cibuyu, La Riela y El Pueblu, con un presupuestu de llicitación de 1.350.000 euros.

El conseyeru resaltó que se van destinar otros 103.987 euros pal conceyu; en concreto, pal saniamientu y depuración de Fonduveigas.

   Icono gráfico alusivo al tipo de archivo Audiu (Audiu: 958 Kb) (n'español)

Información sobre el documento

© Copyright 2006. Gobiernu del Principau d'Asturies