Gobiernu del Principau d'Asturies

Asturies, muncho más cerca

Tas en

Asturias.es Temes Servicios sociales El Gobiernu del Principáu destina cerca de 40.000 euros a trés ...
 

Servicios sociales

El Gobiernu del Principáu destina cerca de 40.000 euros a trés programes d'asistencia social y sofitu a población emigrante

L’ Executivu aprobó un expediente nuevu d’ayudes pa 13 personas retornaes por un importe de 21. 500 euros. También anueva los convenios cola Asociación d’Emigrantes Españoles y Retornaos d’Asturies y con Españoles en Brasil Sociedad de Beneficencia y Cultural

06/07/2019

El Gobiernu d'Asturies, al traviés de la Conseyería de Presidencia y Participación Ciudadana, va destinar 39.500 euros a la execución de trés proyectos de sofitu y asistencia social a población emigrante. Ente estes iniciatives destaca l'aprobación d'un nuevu espediente de subvenciones directes, que sumen 21.300 euros, pa 13 persones en situación vulnerable retornaes al Principáu: 9 procedentes de Venezuela y el restu, de Francia, México, Noruega y Reinu Uníu.

Este ye'l tercer paquete d'ayudes a la torna que l'Executivu concede esti añu a emigrantes asturianos o descendientes que s'atopen en situación de precariedá, tanto económica como llaboral y social, y que decidieron allugar la so residencia n'Asturies. Hasta esti mes, otorgáronse ayudes a 52 persones por un total de 81.800 euros.

Tocantes a los países de procedencia de les persones beneficiaries, caltiénse l'enclín de los últimos años, con una clara preeminencia de les tornes dende Venezuela (43). El restu distribuyése de la siguiente manera: México (2), Brasil (2), República Dominicana (2), Francia (1), Noruega (1) y Reinu Uníu (1).

Per otru llau, el Principáu va anovar los convenios suscritos cola Asociación d'Emigrantes Españoles Retornaos (AEERA) y cola entidá Españoles en Brasil Sociedá de Beneficencia y Cultural, a los que se destinen 10.000 y 8.000 euros, respectivamente.

El primeru de los convenios da continuidá a la collaboración que se caltuvo con AEERA nos últimos años y ta empobináu a facilitar les actividaes y servicios qu'esta asociación empresta a los emigrantes que tornen a Asturies, en materies tan importantes como l'asesoramientu sobroe trámites alministrativos, lexislación y procedimientos sanitarios o fiscales, especialmente los rellacionaos col cobru de pensiones de xubilación y solicitú de prestaciones asistenciales.

AEERA ye la principal asociación d'emigrantes retornaos na comunidá autónoma y cuenta con más de 3.000 socios. L'añu pasáu, atendió a 1.173 persones (541 homes y 631 muyeres) procedentes na so mayoría d'Alemaña, Bélxica, Francia y Suiza.

Finalmente, la renovación del conveniu con Españoles en Brasil Sociedá de Beneficencia y Cultural garantiza'l caltenimientu d'un proyectu de sofitu a familiares de persones mayores con discapacidá y en situación de dependencia leve, d'orixe asturianu, y residentes en Brasil. En 2018, esti alcuerdu depermitió atender a 17 persones con movilidá amenorgada y dificultaes pa les actividaes básiques de la vida diaria, diez d'elles con más de 80 años d'edá.

 

Información sobre el documento

© Copyright 2006. Gobiernu del Principau d'Asturies