Gobierno del Principado de Asturias

Asturias, mucho más cerca

Estás en

Aniciu Temes Europa El Gobiernu d'Asturies celebra mañana l'actu de clausura como ...
 

Europa

El Gobiernu d'Asturies celebra mañana l'actu de clausura como Rexón Entamadora Europea 2019

L’acreditación del Comité de les Rexones supunxo'l desenvolvimientu de 53 actividaes esti añu cola participación de cerca de 22. 500 persones. Siete comunidaes educatives van recibir el Sellu Centru Educativu Entamador poles sos iniciatives de fomentu del espíritu empresarial ente l'alumnáu. L'eventu va cuntar cola asistencia de los titulares de les conseyeríes d'Industria, Educación ya Innovación, d'entidaes y empreses collaboradores, y d'embaxadores del Principáu

17/12/2019

El Gobiernu d'Asturies va facer mañana balance de les actividaes desenvueltes esti añu como Rexón Entamadora Europea 2019, l’aacreditación concedida pol Comité de les Rexones para reconocer el compromisu y l'apueste integral del Principáu pol emprendimiento como estratexa tresversal en tolos ámbitos de la sociedá.

L'actu institucional de clausura va tener llugar a les 11:00 hores nel Hotel de la Reconquista, n'Uviéu, y va cuntar cola presencia de los titulares de les conseyeríes d'Industria, Empléu y Promoción Económica (Enrique Fernández), Educación (Carmen Suárez), y de Ciencia, Innovación y Universidá (Borja Sánchez). Tamién ta prevista l'asistencia d'instituciones y empreses que collaboraron n'Asturies Rexón Entamadora 2019, lo mesmo que de dalgunos de los asturianos que, en calidá d'embaxadores, representen los meyores valores del Principáu como territoriu innovador y entamador.

Nel l'actu, va presentase un resume del conxuntu d'actividaes realizaes a lo llargo d'esti añu, na que se desenvolvieron un total de 53 acciones cola participación de 22.409 persones.

Asturies foi reconocida va un añu como rexón entamadora europea pol desenvolvimientu d'una estratexa territorial qu'apuesta pola innovación y el capital humanu como base d'una economía competitiva, la inclusión para facilitar la igualdá d'oportunidaes y la sostenibilidá para favorecer un desenvolvimientu equilibráu. Na so candidatura, el Gobiernu del Principáu presentó énte'l Comité de les Rexones dos exemplos de bones práctiques: el Programa Open Innovation 4.0 del Centru Européu d'Empreses ya Innovación (CEEI) y el Programa de Cultura Entamadora de Valnalón.

N'Asturies Rexón Entamadora Europea participaron o collaboraron 22 instituciones y empreses y 11 personalidaes asturianes actuaron como embaxadores de los valores de l'Asturies innovadora y entamadora: Adriano Mones Bayo; Amador Menéndez Velázquez; Diego Canga Fano; Eva Rodríguez Alonso; Lisardo Lombardía; Luis San Narciso; Mª Cruz Fernández Rodríguez; Pablo Fanjul Bolado; David Hernández Santos; Rosa Menéndez López; y Zafira Castaño Corsino.

Nel actu institucional ta prevista la entrega del Sellu Centro Educativu Entamador a siete comunidaes educatives pol so compromisu col fomentu de la cultura entamadora y el desenvolvimientu de capacidaes y habilidaes amestaes al emprendimientou y la innovación. Van recibir esta acreditación los siguientes centros: el Grupu Mandilones de Colores, qu'integra a alumnáu d'Educación Infantil de los centros xixoneses de Les Mestes, Gloria Fuertes, Alejandro Casona, Miguel Hernández y José Zorrilla; el colexu Tremañes (Xixón); el colexu rural agrupáu José Antonio Carbayos (Caborana); el IES Galiléu Galilei (Navia); el IES Jerónimo González (Sama); el Colexu Santa María del Naranco (Uviéu) y el Centru Integráu de FP Imaxe y Soníu de Llangréu. Na entrega de los sellos van tar presentes 300 estudiantes de los centros educativos premiaos, que van participar na mañana en distintos talleres.

Información sobre el documento

© Copyright 2006. Gobierno del Principado de Asturias