Gobiernu del Principau d'Asturies

Asturies, muncho más cerca

Tas en

Asturias.es El Principáu defiende una PAC orientada a xenerar actividá ...
 

Aniciu

El Principáu defiende una PAC orientada a xenerar actividá económica y ameyorar la rentabilidá de les esplotaciones agraries

El conseyeru de Mediu Rural apuesta por impulsar la figura del llabrador xenuinu” que fortalez el modelu de negociu familiar y sostenible de la cornisa cantábrica . Calvo defende planes específicos pa la ganadería estensiva y el sector llacteu

El consejero de Medio Rural y Cohesión Territorial, Alejandro Calvo

13/10/2020

El conseyeru de Mediu Rural y Cohesión Territorial, Alejandro Calvo, defendió güei que la nueva Política Agraria Común (PAC) s'oriente hacia la xeneración d'actividá económica y la meyora de la rentabilidá de les esplotaciones agroganaderes. Calvo participó nuna xunta telemática ente'l Ministeriu d'Agricultura, Pesca y Alimentación y les comunidaes autónomes, p'afitar la posición d'España de cara al conseyu de ministros europeos d'Agricultura, que se va celebrar la próxima selmana.

El modelu que sofita'l Principáu ta alliniáu coles principales estratexes del Pactu Verde Européu, que planteguen oxetivos como la compatibilidá del aprovechamientu de los recursos naturales col caltenimientu de los valores medioambientales, ensin escaecer que la prioridá tienen de siguir siendo los profesionales de l'agricultura y la ganadería. Nesti esquema enmárcase l'impulsu a la figura del llabrador xenuinu, que vive y trabaya nel mediu rural y supón un respaldu al modelu d'esplotación agroganadera familiar y sostenible de la cornisa cantábrica”, señaló Calvo.

Tocántenes al primer pilar de la PAC (ayudes directes), el titular de Mediu Rural sofitó la propuesta del ministeriu de que se caltenga nel 60% el pesu de l'ayuda a la renta agraria. Tamién considera razonable que se destine un 20% a les “ecoesquemes” y que estos reconozan el papel de les esplotaciones familiares agraries na tresformación del sistema de producción y la consecución d'oxetivos en materia de soberanía alimentaria, clima y mediu ambiente.

Nesti sentíu, Calvo defendió la inclusión de planes específicos, tanto pa la ganadería estensiva como pal sector llacteu, una posición que ye compartida pol restu de comunidaes del Cantábricu. Tamién s'amosó favorable a que se vea compensáu'l modelu de producción medioambientalmente sostenible y amestáu a l'actividá en zones d'altu monte y dientro de la Rede Natural 2000, como l'asturianu. Coles mesmes, defendió que la condicionalidá medioambiental materializada en midíes “fácilmente accesibles pa tolos llabradores y ganaderos profesionales d'Asturies”.

Per otru llau, sofitó l'establecimientu de los techos d'ayudes (capping) nun máximu 100.000 euros, una midida que contribuyiría a llograr recursos adicionales pa distribuyir ente esplotaciones pequeñes. “Los llabradores y ganaderos profesionales han ser los destinatarios d'estes ayudes a la renta, al marxe de los alderiques territoriales”, sorrayó Calvo.

El conseyeru defendió que'l mediu rural ha ser un llugar afayadizu pa vivir y trabayar, ameyorando la calidá y l'accesu a los servicios y ufiertando oportunidaes pa la ciudadanía, al traviés de la protección y el sofitu al so sector granible. “Trátase d'un factor diferencial del progresu socioeconómicu d'Asturies mientres esta crisis, qu'entá ha desenvolver tol so potencial”, amestó.


Icono gráfico alusivo al tipo de archivo Audiu (Audiu: 525 Kb) (n'español)

Información sobre el documento

© Copyright 2006. Gobiernu del Principau d'Asturies