Gobiernu del Principau d'Asturies

Asturies, muncho más cerca

Tas en

Asturias.es INFORMACIÓN SOBRE LA EVOLUCIÓN DE LA PANDEMIA DEL CORONAVIRUS ...
 

Aniciu

INFORMACIÓN SOBRE LA EVOLUCIÓN DE LA PANDEMIA DEL CORONAVIRUS N’ASTURIES

19/05/2020

  • DATOS DE LA CONSYERÍA DE SALÚ
  • La situación de la vixilancia epidemiolóxica de la COVID-19 y la comunicación de los datos modificóse en relación coles selmanes anteriores. En concreto, el Centru de Coordinación d'Alertes y Emerxencies Sanitaries (CCAES) propunxo a les comunidaes autónomes un nuevu sistema d'unviada d'información diaria, alredor de les 12:00 del mediudía, que recueya les cifres rexistraes nes 24 hores de la xornada previa en toos los indicadores analizaos davezu.
  • D'esta miente, güei nun va haber datos actualizaos y, a partir de mañana, el treslláu de la información sobre la evolución de la pandemia va llevase a cabu en función de la pauta horaria que marque'l ministeriu.
  • Per otra parte, teniendo en cuenta los posibles cambeos que dende'l Ministeriu de Sanidá podríen esixise a la Conseyería de Salú tocantes a les comunicaciones, nos próximos díes podría haber cierta fluctuación nos datos, rellacionada col tránsitu d'información epidemiolóxica y non con cambeos na situación real de la epidemia.
  • DATOS DE LA CONSEYERÍA DE DERECHOS SOCIALES

La información arrexuntada pola Conseyería de Derechos Sociales y Bienestar procede del personal responsable de los centros residenciales pa persones mayores. Sicasí, quepe recordar que la fonte oficial d'información epidemiolóxica ye la Conseyería de Salú, polo que los datos ufiertaos nesti apartáu tán en permanente revisión y depuración.

Cada actualización respuende a la información percanciada por Derechos Sociales nes postreres 24 hores. Concretamente, esti informe recueye l'estáu de la situación ente les 17:00 hores d'ayeri y les 17:00 hores de güei. Tamién puede consultase diariamente, con mayor detalle, na web de la conseyería: www.socialasturias.es


Icono gráfico alusivo al tipo de archivo Nota de prensa completa (Pdf: 296 Kb)

Información sobre el documento

© Copyright 2006. Gobiernu del Principau d'Asturies