Gobierno del Principado de Asturias

Asturias, mucho más cerca

Estás en

Aniciu Temes Agricultura y montes Politica Forestal El Principáu tramita más d'un centenar d'autorizaciones ...
 

Politica Forestal

El Principáu tramita más d'un centenar d'autorizaciones forestales mediante un serviciu telemáticu nuevu

Esta midida, puesta en marcha mientres l'estáu d'alarma, dexó garantizar el suministru a empreses tresformadores de celulosa, cartón y papel

26/04/2020

L’espaciu telemáticu nuevu impulsáu pola Dirección Xeneral de Planificación, Infraestructures Agraries y Montes na web del Gobiernu d'Asturies (https://cutt.ly/KyrAfIB ) dexó tramitar yá más d'un centenar d’autorizaciones forestales. La midida, puesta en marcha'l 17 de marzu, contribuyó al funcionamientu de la cadena productiva, al garantizar el suministru a empreses esenciales como les tresformadores de la celulosa, el cartón o'l papel mientres esti tiempu.

La Conseyería de Desenvolvimientu Rural, Agroganadería y Pesca tamién siguió cola tramitación de 220 espedientes de xestión de concesiones alministratives d'usu nos montes d'utilidá pública, cola mira de caltener los plazos d'accesu ganaderu a los pastos conforme a los manexos tradicionales, avanzar nes ayudes pendientes y preparar proyectos. L'oxetivu ye rellanzar lo primero que sía posible l'actividá del sector vinculada a les obres y infraestructures públiques.

Amás, caltúvose la vixencia de les llicencies de quema y adecuación de finques na redolada d'esplotaciones agrícoles pa que l’actividá propia de la temporada pueda llevase a cabu.

“El nuestru interés ye garantizar l'actividá d'un sector tan importante y vital col primariu forestal y la indispensable garantía de suministru, poniendo tolos nuestros medios a la so disposición, non solo pa esti momentu d'estáu d'alarma, sinón pal asentamientu de l'actividá tres el periodu de confinamientu”, esplica'l director xeneral de Planificación, Infraestructures Agraries y Montes, Fernando Prendes.

Prendes tamién destacó la bona predisposición amosada poles empreses y representantes del sector con quien se tuvo en contactu para conocer les sos necesidaes y demanda.


Icono gráfico alusivo al tipo de archivo Audiu (Audiu: 192 Kb) (n'español)

Información sobre el documento

© Copyright 2006. Gobierno del Principado de Asturias