Gobiernu del Principau d'Asturies

Asturies, muncho más cerca

Tas en

Asturias.es Cultura divulga'l Circuitu d'Artes Escéniques del Principáu na ...
 

Aniciu

Cultura divulga'l Circuitu d'Artes Escéniques del Principáu na principal feria comercial de teatru d’España

El Gobiernu d'Asturies regresa con estand propiu a Mercartes, que s'inauguró güei en Valladolid

El viceconsejero de Cultura y Deporte, Vicente Domínguez, junto al presidente de Escenasturias, Luis Alija, en el estand del Principado en la feria Mercartes

07/11/2018

El viceconseyeru de Cultura y Deporte, Vicente Domínguez, asistió güei en Valladolid a l'apertura oficial de Mercartes, la cita más importante pa los profesionales y les empreses del sector teatral n'España, a la que'l Principáu vuelve con estand propiu pa divulgar y potenciar el Circuitu d'Artes Escéniques.

Domínguez recordó que'l circuitu ye una de les ferramientes más importantes pal cumplimientu de los oxetivos de Cultura en cuantes al fomentu y l'impulsu de la creación y la divulgación del teatru asturianu. El programa fixo posible una programación variada y estable n'Asturies: 22 conceyos, 88 compañíes y 250 espectáculos presentaos certifiquen la so vixencia y afitamientu.

El Circuitu d'Artes Escéniques ye un programa cultural promovíu pol Principáu dende 2001 y anováu nel 2016, añu en qu'Asturies tamién tuvo presente en Mercartes con estand institucional.

La feria va cuntar nesta edición con 124 espositores, lo que supón una crecedera del 37 % al respective de la del 2016. A los espositores hai que sumar cuasi un millar de profesionales que s'inscribieron pa visitar y participar nel alcuentru. En total, na feria van tar representaes les artes escéniques de dieciséis comunidaes autónomes.

 

 

Información sobre el documento

© Copyright 2006. Gobiernu del Principau d'Asturies