Gobiernu del Principau d'Asturies

Asturies, muncho más cerca

Tas en

Asturias.es Temes Artesanía y comerciu El Principáu aconseya un consumu razonable, responsable y ...
 

Artesanía y comerciu

El Principáu aconseya un consumu razonable, responsable y sostenible nes xornaes próximes de descuentos

L'Axencia de Sanidá Ambiental ellaboró una guía de recomendaciones énte la celebración del vienres negru y el ciberllunes

El consejero de Infraestructuras, Ordenación del Territorio y Medio Ambiente, Fernando Lastra, conversa con el gerente de Leomotor, Daniel Orejas, en presencia del director general de Biodiversidad del Gobierno de Asturias, Manuel Calvo, y de los codirectores del Parque Nacional de Picos de Europa de la vertiente de Cantabria, Ángel Serdio primero por la izquierda, y de Castilla y León, Mariano Torre primero por la derecha

22/11/2018

El Principáu aconseya un consumu razonable, responsable y sostenible pa les dos xornaes próximes de descuentos: el vienres negru (Black Friday), que se celebra mañana, y el ciberllunes (Ciber Monday), que se conmemora'l llunes próximu.

Estos dos díes, pa los que s'anuncien grandes descuentos previos a la campaña de Navidá, pueden favorecer l'aforru, siempre que'l consumidor conoza bien les sos necesidaes, el valor de los productos y el preciu que va pagar por ellos. Tamién ye necesario que disponga de la información y seguridá oportunes pa realizar les compres.

L'Axencia de Sanidá Ambiental y Consumu xúntase a los encamientos de la Dirección Xeneral de Consumu del Ministeriu de Sanidá y promueve un catálogu de recomendaciones cola mira d'ayudar a la ciudadanía a conocer meyor los sos derechos como consumidores. Trátase de los conseyos siguientes:

   - Primero de mercar, recomiéndase a los consumidores que faigan una llista de los productos que quieran adquirir, determinar el preciu que puedan pagar por ellos, comparalos en distintos establecimientos y facer un siguimientu previu d'esos bienes con antelación suficiente. Planificar, presupuestar y comparar son sinónimos d'aforru.

   - Sía críticu cola publicidá, guíese poles sos necesidaes.

   - Recuerde que les empreses tienen de facilitar información exacta pa tomar una decisión de compra adecuada. Esconder información importante o dar información falsa ye una práctica deslleal. Infórmese sobre les condiciones de venta de los productos, les sos característiques y el so preciu anterior.

   - El preciu d'una ufierta ha incluyir tolos impuestos y los gastos d'unviu. Si hubiera costos adicionales que nun se pueden determinar de mano, el consumidor ha ser informáu correctamente.

   - Nos productos rebaxaos tien d'indicase'l preciu orixinal y/o'l porcentaxe de la rebaxa.

   - La garantía de los productos rebaxaos nun ha variar al respective de los ensin rebaxar. El tiempu de la garantía llegal mínima pa los productos nuevos ye de dos años y pa los de segunda mano, 12 meses. Según la normativa de la Unión Europea (UE), los consumidores siempre tienen derechu a esta garantía ensin costu dalgunu pa toles compres efectuaes na UE, Islandia, Noruega y Liechtenstein.

   - El vendedor tien obligación de reparar, sustituyir, facer un descuentu o reembolsar l'importe de la compra si'l productu ta defectuosu o nun se correspuende colo anunciao. Como norma xeneral, namás va poder solicitase un reembolsu total o parcial si nun fuera posible reparalu o sustituyilu.

   - Los productos rebaxaos han tener la mesma calidá que los ensin rebaxar.

   - Les cláusules contractuales han tar redactaes nun llinguaxe claro y comprensible. Cualquier ambigüedá va interpretase siempre a favor del consumidor y, si les condiciones d'un contratu son inxustes, nun van ser venceyantes pa él.

   - Estos díes, les tiendes podríen aplicar condiciones especiales. Nestos casos, el consumidor ha ser informáu de forma clara. Ye importante lleer siempre los términos y condiciones.

   - Recomiéndase facer les compres en llinia en comercios electrónicos seguros, ye dicir en páxines web qu'empiecen por “https://”.

   - Recomiéndase realizar pagos seguros; por exemplu, con tarxeta de creitu, y evitar les tresferencies bancaries.

   - En casu d'arrepentimientu nes compres a distancia o les realizaes fuera del establecimientu, siempre que se circunscriban al espaciu económicu européu, los consumidores tienen un plazu de 14 díes pa rescindir el contratu ensin necesidá de xustificar el motivu. Nestos casos, el veceru tendrá de realizar la devolución correspondiente y el comerciu va tener obligación de reintegrar la suma abonada ensin retención de gastos nin penalización. Ye lo que se conoz como derechu de desistimientu, pal qu'esisten delles escepciones na normativa; por exemplu, pa los billetes d'avión, entraes pa conciertos, artículos fabricaos a midida, etcétera.

   - Les cuentes han tar clares. Pida siempre el tique de compra, necesario pa cualquier reclamación.

   - Si aparez un problema, intente algamar un alcuerdu col establecimientu. Si nun lu llogra, rica les fueyes de reclamaciones.

   - Los establecimientos comerciales han disponer de fueyes oficiales de reclamaciones.

   - Si realiza la compra n'establecimientos xuntaos al Sistema Arbitral de Consumu, puede recurrir a esti mediu pa resolver posibles desalcuerdos.

   - Revise les feches de caducidá y examine les etiquetes de los productos perecederos primero de mercalos.

 

 

Información sobre el documento

© Copyright 2006. Gobiernu del Principau d'Asturies