Gobiernu del Principau d'Asturies

Asturies, muncho más cerca

Tas en

Asturias.es Temes Ociu y tiempo llibre Asturies promociona nel Salón Gourmets la so gastronomía ...
 

Ociu y tiempo llibre

Asturies promociona nel Salón Gourmets la so gastronomía tradicional, qu’atraxo a un 8,7% de los turistes que visitaron la comunidá nel últimu cuatrimestre de 2018

La presentación del llibru de menúes del Club de Guisanderes ye una de les actividaes del estand del Principáu na feria, que se celebra en Madrid hasta'l xueves

09/04/2019

L’estand del Principáu nel Salón Gourmets, que se celebra en Madrid hasta'l xueves, acoyó güei la presentación del llibro Recetes de les guisanderes d'Asturies, una publicación que recueye 160 menúes nos que los protagonistes son los sabores y productos tradicionales. Esta ufierta culinaria ye ún de los atractivos turísticos de la comunidá y atraxo a un 8,7% de los visitantes nel últimu cuatrimestre de 2018.

El director xeneral de Comerciu y Turismu, Julio González Zapico, ufiertó estos datos (SITA) nel actu, nel que tamién se celebró una demostración culinaria y un coloquiu con los autores del llibru. González Zapico emponderó'l llabor d'investigación y recuperación de la cultura gastronómica asturiana” realizada por esti colectivu, y afirmó que les guisanderes “contribuyeron a que la cocina rexonal seya una de les más reconocíes d'España”.

Tamién destacó la importancia que'l Programa de Turismu Sostenible 2020 confier a la gastronomía, unu de los productos preferentes de la ufierta turística asturiana.

El Club de les Guisanderes creóse en 1997 y na actualidá axunta a 40 restauradores qu'empresten especial atención a la recuperación y promoción de la cocina tradicional asturiana.

 

Información sobre el documento

© Copyright 2006. Gobiernu del Principau d'Asturies