Gobiernu del Principau d'Asturies

Asturies, muncho más cerca

Tas en

Asturias.es Temes Agricultura y montes El Gobiernu d'Asturies remata la meyora de viales de Gobezanes, ...
 

Agricultura y montes

El Gobiernu d'Asturies remata la meyora de viales de Gobezanes, nel conceyu de Casu

La conseyera de Facienda y Sector Públicu visita les obres y participa nun alcuentru colos vecinos. La inversión xubió a 144. 837 euros y los trabayos incluyeron tamién meyores na rede de suministru d'agua

07/07/2019

El Gobiernu d'Asturies remató esta selmana les obres d'acondicionamientu de los viales interiores del pueblu de Gobezanes, nel conceyu de Casu. Los trabayos enllargáronse mientres trés meses y supunxeron una inversión de 144.837 euros.

La conseyera de Facienda y Sector Públicu en funciones, Dolores Carcedo, realizó güei un percorríu pel pueblu col alcalde del conceyu, Miguel Fernández.

L'actuación repercutió, prácticamente, sobre toles cais del pueblu. Asina, anovóse'l pavimentu de los viales y formigonáronse los que yeren de tierra, lo que dexa un meyor tránsitu rodáu y piatonal. Amás, actuóse sobre'l drenaxe de los caminos y reforzóse la seguridá col allugamientu de barandielles. Les obres tamién incluyeron delles meyores na rede d'agua qu'abastez a la localidá.

Los trabayos realizaos en Gobezanes encuádrense nel Programa d'Obres y Servicios, una de les llinies de cooperación colos conceyos de la Conseyería de Facienda y Sector Públicu, qu'anguaño xube a 3,1 millones y contempla hasta'l momentu 56 actuaciones en 45 conceyos. “Obres como esta realizada en Gobezanes contribuyen a ameyorar la calidá de vida de los vecinos y tamién a facer los pueblos más interesantes pa los visitantes, nesti casu los cada vez más numberosos visitantes de la redolada privilexada del parque natural de Redes”, destacó la conseyera mientres la so visita.

Tres el percorríu, Carcedo participó nel alcuentru entamáu polos vecinos nel centru social de la localidá con cuenta del fin de la obra.

 

Información sobre el documento

© Copyright 2006. Gobiernu del Principau d'Asturies